ट्रम्प प्रशासनले कागजपत्रविहिन बालबालिकाको अँग्रेजी कक्षा रद्द गर्दै - KHASOKHAS

ट्रम्प प्रशासनले कागजपत्रविहिन बालबालिकाको अँग्रेजी कक्षा रद्द गर्दै

ट्रम्प प्रशासनले अभिभावकविना अमेरिका छिरेर संघीय आप्रवासी सेल्टरहरुमा बसिरहेका कागजपत्रविहिन बालबालिकाहरुको अँग्रेजी कक्षा रद्द गर्ने भएको छ । साथमा अतिरिक्त कृयाकलापहरु र कानुनी सहायता पनि अन्त्यको तयारी गरिएको छ ।

शरणार्थी पुनव्र्यवस्थापन कार्यालयले फुटवल लगायतका अतिरिक्त कृयाकलापका लागि आर्थिक सहायता रोक्न सुरु गरिसकेको छ । संघीय अधिकारीहरुले दक्षिणी सिमानामा अभिभावकविनाका कागजपत्रविहिन बालबालिकाको संख्या नाटकीय रुपमा बढेको उनीहरुका लागि सेल्टर र हेरचाहका लागि संसदले २ दशमलव ९ बिलियन बजेट छुट्याउनुपर्ने भन्दै संसदलाई चेतावनी दिइसकेका छन् ।

जुनको अन्त्यतिर कार्यक्रमका लागि छुट्याइएको बजेट सकिन लागेकाले अँगेजी कक्षा, अतिरिक्त कृयाकलाप र कानुनी सहायता रोक्नुपर्ने अवस्था आउन लागेको हो । मे महिनामामात्र सिमाक्षेत्रमा १ लाख ४४ हजार आप्रवासीहरुलाई हिराशतमा लिइएको छ, यो अप्रिलको तुलनामा ३२ प्रतिशतले बढी हो ।

हेल्थ एण्ड ह्युमन सर्भिसले विहिबार सेल्टरहरुलाई पठाएको इमेलमा शिक्षा र अतिरिक्त कृयाकलापका लागि रकम नतिर्ने जनाएको थियो । जसका कारण हिराशतमा रहेका बालबालिकाको शारिरिक र मानसिक स्वास्थ्यमा नकारात्मक असर पर्ने देखिएको छ ।

बिहिबार, जेष्ठ २३, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com