अमेरिकी नागरिकता लिनेको संख्या पाँच बर्षमै उच्च, २०१८ मा साढे ७ लाख बढी - KHASOKHAS

अमेरिकी नागरिकता लिनेको संख्या पाँच बर्षमै उच्च, २०१८ मा साढे ७ लाख बढी

अमेरिकी नागरिकता लिने आप्रवासीहरुको संख्या आर्थिक बर्ष २०१८ मा विगत पाँचबर्षमै उच्च रहेको युएससीआईएसको तथ्यांकले देखाएको छ । ट्रम्प प्रशासनले आप्रवासनमा कडाई गरेपनि नागरिकता आवेदन स्वीकृत दरमा कमी नआएको तथ्यांकले देखाएको हो ।

आर्थिक बर्ष २०१८ मा युएससीआइएसले ७ लाख ५७ हजार ८ सय आप्रवासीहरुलाई अमेरिकी नागरिकता प्रदान गरेको छ । जुन आर्थिक बर्ष २०१४ को तुलनामा १६ प्रतिशतले बढी रहेको जनाइएको छ । विदेशी नागरिकले अमेरिकता लिनका लागि सामान्यतया पाँचबर्षसम्म ग्रिनकार्ड बाहक रहेको हुनुपर्छ ।

अमेरिकी राष्ट्रपति डोनाल्ड ट्रम्पले कार्यभार सम्हालेदेखि अमेरिकी नागरिकताको आवेदनमा निर्णय हुन लामो समय लाग्ने गरेको भन्दै आलोचना हुने गरेको छ । तर युएससीआईएसले भने धेरै आवेदन परेकाले फैसला हुनमा लामो समय लाग्ने गरेको बताउने गरेको छ ।

सरकारी तथ्यांक अनुशार विगत २ बर्षमा २० लाख भन्दा धेरै नागरिकताका आवेदनहरु परेका छन् । अहिले पनि झण्डै ७ लाख ३० हजार यस्ता आवेदनहरु पेन्डिङ अवस्थामा रहेका छन् ।

आर्थिक बर्ष २०१८ मा स्वीकृत दरमा भने कमी आएको छ । यो बर्ष ८ लाख ४९ हजार ५ सय आवेदनमध्ये ७ लाख ५६ हजार ८ सय आवेदनमात्र स्वीकृत भएका छन् अर्थात् ११ प्रतिशत आवेदनहरु अस्वीकृत भएका छन् । गत बर्ष पनि ११ प्रतिशत आवेदन नै अस्वीकृत भएका थिए । आर्थिक बर्ष २०१४ र २०१५ मा ९ प्रतिशत आवेदन अस्वीकृत भएका थिए भने २०१६ मा १० प्रतिशत आवेदन अस्वीकृत भएका थिए ।

रिपोर्टको पूर्ण पाठ यहाँ उपलब्ध छ ।

मङ्लबार, जेष्ठ २१, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com