उर्जामन्त्री पुन र राष्ट्रसंघका उपमहासचिवबीच भेटवार्ता


प्रकाशित मिति : जेष्ठ ११, २०७६ शनिबार

उर्जा,जलस्रोत तथा सिंचाईमन्त्री वर्षमान पुन र संयुक्त राष्ट्रसंघका उपमहासचिव लिउ झेनमिनबीच भेटवार्ता भएको छ ।

संयुक्त राष्ट्रसंघको मुख्यालय न्युयोर्कमा भएको भेटवार्तामा उर्जा क्षेत्रमा युएन र सरकारबीच गर्न सक्ने सहकार्य र दिगो विकासको वारेमा छलफल भएको थियो ।

मन्त्री पुनले भेटमा नेपालले उर्जाको पंहुचलाई प्राथमिकतामा राखरे काम गरिरहेको बताउनुभयो । उहांले १० वर्षमा १५ हजार मेगावाट विजुली उत्पादज गर्ने लक्ष्य सरकारले राखेको भन्दै त्यसका लागी काम अघि बढिरहेको जानकारी दिनुभयो ।

अमेरिकाको न्यूयोर्कमा शुक्रबार राष्ट्रसंघीय फोरमलाई सम्बोधन गरेपछि मन्त्री पुनले त्यहांका उपमहासचिवसंग भेटवार्ता गर्नुभएको थियो । भेटमा मन्त्री पुनले नयां संविधान जारी भएसंगै देशमा स्थिर सरकार बनेको र अहिले दीगो विकासको लक्ष्य सहित सामाजिक–आर्थिक विकासको बाटोमा अगाडि धारणा राख्नुभयो ।

उहांले सफा उर्जाबाट आयातित पेट्रोलियम घटाउंदै जाने नेपालको लक्ष्य रहेको बताउंदै अहिले निर्माण भइरहेका जलविद्युत परियोजनाबाट यस क्षेत्रमा महत्वपूर्ण प्रगती भइरहेको दाबी गर्नुभयो ।

मन्त्री पुनले एसडिजी सेभेनको लक्ष्य महत्वपुर्ण भएको भन्दै त्यसलाई पुरा गर्न सरकारले कार्यक्रममै राखेर उच्च प्राथमिकताका साथ अघि बढाएको बताउनुभयो ।

जवाफमा उपमहासचिव झेनमिनले नेपालको उर्जा र जलविद्युतको क्षेत्रमा निकै ठुलो सम्भावना रहेको भन्दै संयुक्त राष्ट्रसंघको आर्थिक,सामाजिक तथा विकास परिषद सहकार्य गर्न ईच्छुक रहेको धारणा राख्नुभयो ।

उहांले उर्जा क्षेत्रमा पनि नेपालले गरिरहेको प्रगतीको प्रशंसा गर्नुभयो । उपमहासचिव झेनमिनले संयुक्त राष्ट्रसंघ नेपाल सरकारसंग नजिक रहेर काम गर्न ईच्छुक रहेको समेत बताउनुभयो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com