Follow @khasokhasmag

युनाइटेड नेपलिज एसोसिएसनको सम्मेलन भोलि न्युयोर्कमा, उर्जामन्त्री प्रमुख अतिथि


प्रकाशित मिति : जेष्ठ १०, २०७६ शुक्रबार

युनाइटेड नेपलिज एसोसिएसनको सम्मेलन भोलिदेखि न्युयोर्कमा सुरु हुने भएको छ । दुईदिनसम्म चल्ने सम्मेलनको उद्घाटन समारोहको प्रमुख अतिथिका रुपमा उर्जामन्त्री बर्षमान पुन उपस्थीत हुने तय भएको छ ।

 

राष्ट्रसंघको कार्यक्रममा भागलिन आएका उर्जामन्त्री पुनका साथमा पूर्व सभामुख ओनसरी घर्ती, एनआरएनएका पूर्व अध्यक्ष शेष घले, एनआरएनए अभियन्ता तथा व्यवसायी जमुना गुरुङ लगायतका विशिष्ट व्यक्तित्वहरुको सम्मेलनमा उपस्थीति रहने भएको छ । सम्मेलनको उद्घाटन शनिबार विहान १० बजे गर्ने तय भएको छ ।

न्युयोर्कको लागुआर्डिया प्लाजा होटलमा हुने सम्मेलनको कन्भेनर व्यवसायी तथा एनआरएन अभियन्ता सोनाम लामा रहेका छन् । सांस्कृतिक झाँकी, प्रतियोगिता र फोरमहरु संचालन हुने चौथो सम्मेलनको समापनका अवशरमा आइतबार बेलुका कन्सर्ट समेत गरिने भएको छ ।

अमेरिकन मुलधारमा नेपाली अमेरिकनहरुलाई अगाडि बढाउने उद्देश्यका साथ काम गरिरहेको गैरनाफामुलक यो संस्थाले युवा र महिला शशक्तिकरणका पक्षमा समेत काम गर्दै आएको छ । सम्मेलनका लागि सम्पूर्ण तयारी पूरा भइसकेको र आफूहरु निकै उत्साहित रहेको कन्भेनर सोनाम लामाले जानकारी दिएका छन् ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com