ट्रम्पको आदेशमा युएससीआईएसका निर्देशकबाट राजिनामा
प्रकाशित मिति : जेष्ठ १०, २०७६ शुक्रबार
अमेरिकी राष्ट्रपति डोनाल्ड ट्रम्पले युएससीआईएसका निर्देशक एल फ्रान्सिस सिस्नालाई पद छाड्न निर्देशन दिएका छन् । उक्त निर्देशन पछि जुन १, २०१९ बाट लागु हुनेगरी निर्देशक सिस्नाले पदबाट राजिनामा दिएका छन् ।
उनले राष्ट्रपति ट्रम्पको अनुरोधपछि राजिनामा दिएको जनाएका छन् । शुक्रबार बेलुका युएससीआईएसका कर्मचारीहरुलाई इमेल पठाएर निर्देशक सिस्नाले युएससीआईएस छाड्दै गरेको जानकारी दिइएको हो ।
ट्रम्पले भर्जिनियाका पूर्व महान्यायाधिवक्ता केन कुसिनेलीलाई नयाँ निर्देशकमा नियुक्त गर्ने अपेक्षा गरिएको छ । तर यसको औपचारिक घोषणा भने गरिएको छैन ।
सिस्नाले सन् २०१७ को अक्टोबरदेखि युएससीआईएसको नेतृत्व गर्दै आएका थिए । अमेरिकी अध्यागमन प्रणालीमा कडाई गर्नुपर्ने पक्षमा रहेका हार्डलाइनर मानिने सिस्नाका नीति कार्यान्वयनका सन्दर्भमा ह्वाइटहाउससँग विमती रहेको थियो ।