बेलायतमा नेपाली मुलका शर्मा मेयर पदमा निर्वाचित
बेलायतको मेयर पदमा नेपाली मुलका एक नेपाली निर्वाचित भएका छन्। बेलायतको राजनीतिमा लामो समयदेखि सक्रिय रहेका डा जगन्नाथ शर्मा नर्थ योर्कशायरको कोलबर्न टाउन काउन्सिलको मेयरमा निर्वाचित भएका हुन्।
पर्वतको बिहादीमा जन्मिएका शर्मा गत सोमवार भएको स्थानीय काउन्सिलहरू बीचको निर्वाचनमा दुई तिहाइ मत प्राप्त गरेर मेयर पदमा विजयी भएका हुन् ।
शर्माले स्थानीय आर्मी मेडिकल अस्पतालमा स्पोर्टस् डाक्टरको रुपमा हेड अफ डिपार्टमेन्टको जिम्मेवारी समेत समाल्दै आएका छन्। उनी यसाघि पनि सो क्षेत्रमा तीन पटकसम्म काउन्सिलर र उपमेयरमा निर्वाचित भएका थिए।