गर्दनको हाड खिइए फिजियोथेरापी

प्रकाशित मिति : माघ १९, २०७३ बुधबार

 

 

गोमा थापा/ फिजियोथेरापिस्ट, अर्थोपेडिक अस्पताल, जोरपाटी
खानपिन, रहनसहन, चालचलन, आसनलगायत विषयमा ध्यान नदिँदा धेरैलाई शारीरिक समस्याले सताउन थालेको छ । आजकाल धेरै नेपालीलाई गर्दनको हाड खिइने समस्याले सताउन थालेको छ । मानिसले विलासी जीवन जिउने, नियमित रूपमा व्यायाम नगर्ने, स्वास्थ्यको विषयमा ख्याल नगर्ने, समयमा नखाने, हेलचेक्र्याइँ गर्ने, टाउकोलाई तनाव लिने, गहकिलो भारी बोक्ने जस्ता कारणले गर्दनको हाड खिइने समस्या निम्तिन्छ ।

गर्दनको हाड खिइनुलाई शरीरमा देखिएको ठूलो समस्याको रूपमा लिइने गरिन्छ । यस्तो समस्या देखिएमा फिजियोथेरापी नै सबैभन्दा उपयुक्त उपचार विधिका रूपमा लिइने गरिन्छ । गर्दनको हाड खिइने समस्या र समाधानका उपायसम्बन्धी फिजियोथेरापिस्ट गोमा थापाका सुझाब यस्ता छन्ः

गर्दनको हाड खिइँदा देखिने लक्षण
गर्दनमा अत्यधिक पीडा हुन्छ । गर्दनको हाडभित्र, घाँटीको साइडको नसा, गर्दनवरिपरिको मांसपेशी र नसा दुख्ने तथा अत्यधिक पीडा महसुस हुन्छ । नसा तन्किएको जस्तो अररो पनि हुन सक्छ ।

यस्तो भएमा टाउको यताउति चलाउन र मोड्न गाह्रो हुन्छ । यस्तो अवस्थामा दुखेजस्तो, पोलेजस्तो र गर्दन तथा टाउकोमा सियोले घोचेको जस्तो महसुस हुन्छ ।

दुखाइ पिठ्युँसम्म पनि हुने गर्छ । त्यस्तै, पिठ्युँमा पोल्ने र झमझमाउने हुन्छ । गर्दन र काँधको वरिपरि, गर्दनको जोर्नीदेखि हत्केला र औँलाको जोर्नीसम्म पोल्ने, दुख्ने र झमझमाउने समस्या देखापर्छ ।

सामान टिप्न खोज्दा गाह्रो हुन्छ । कलम समाउँदासमाउँदै फुत्कन खोज्ने र हातमा क्रमशः बल हराउँदै जाने हुन्छ । हात उठाउन, तल झार्न र पछाडि लानसमेत समस्या हुन्छ ।

रिंगटा लाग्ने, टाउको भारी हुने, टाउको उचाल्न गाह्रो हुने, टाउको सहनैनसक्ने गरी दुख्ने र चक्कर लाग्ने हुन्छ । यस्तो अवस्थामा मस्तिष्कमा रक्तसञ्चार हुने रक्तनलीमा अनावश्यक दबाबसमेत सिर्जना हुन्छ । गर्दनको हाड बढी खिइएमा त्यसको असर ढाड र खुट्टामा समेत पर्ने देखिन्छ ।

उपचार एवं सतर्कता
गर्दनको हाड खिइने समस्यालाई नियन्त्रण गर्न फिजियोथेरापी उपचार विधि अवलम्बन गर्नुपर्छ । गर्दनको हाड खिइन नदिन अग्लो सिरानी नलगाउने, गहकिलो भारी नबोक्ने, गर्दन बढी झुकाएर काम नगर्ने, ढाडलाई सकेसम्म सीधा पार्ने र गर्दनलाई अनावश्यक दख्खल पुग्ने किसिमका काम गर्नु हुँदैन ।

गर्दनको हाड खिइने समस्यालाई जटिल समस्याको रूपमा लिइन्छ । विशेषज्ञ चिकित्सकसँग आवश्यक सल्लाह लिने र समस्याको समयमै निदान गर्ने गर्नुपर्छ ।

गर्दनको हाड खिइने समस्याले बढी मात्रामा दुखाइ भयो भने तातो वस्तुले सेक्ने, विद्युतीय उपकरण र तापको प्रयोग गरेर सेक्ने तथा पूर्ण रूपले आराम गर्नुपर्ने हुन्छ ।

गर्दनको हाड खिइने समस्या भएका बिरामीले फिजियोथेरापिस्ट र चिकित्सकको सल्लाहबमोजिम गर्दन र टाउकोमा सहज हुने गरी आवश्यक व्यायाम गर्नुपर्छ । तर, त्यस्तो व्यायाम अति सावधानीपूर्वक गर्नुपर्ने हुन्छ । गर्दनमा अनावश्यक दख्खल पुग्ने क्रियाकलाप गर्नु हुँदैन । हाड बलियो पार्न शरीरलाई आवश्यक पर्ने पोषण तत्व र रक्षक तत्व भएको खानेकुरामा जोड दिनुपर्छ ।

घाउ, चोटपटक, दुर्घटना, संक्रमण र हर्मोनमा हुने गडबडीबाट जोगिन नियममा बस्ने र त्यस्तो विषयबाट सकेसम्म जोगिने गर्नुपर्छ ।

गर्दनको हाड खिइने कारण
अग्लो सिरानी राखेर सुत्नाले गर्दनको हाड खिइने समस्याले सताउन सक्छ । टिभी हेर्दा, सुत्दा, बस्दालगायतका घरायसी क्रियाकलाप गर्दा कुहिनाले टेकेर टाउको माथि धेरै बेर दख्खल दिँदा पनि गर्दनको हाड खिइने समस्या हुन्छ । हाड बलियो पार्ने पोषण र रक्षक तत्वको शरीरमा कमी भयो भने गर्दनको हाड खिइने समस्या देखापर्छ ।

घाउ, चोटपटक, संक्रमण, दुर्घटना, हर्मोनको गडबडीले गर्दनमा असर पार्दा पनि गर्दनको हाड खिइन्छ । गर्दनमा अनावश्यक भार प¥यो भने पनि गर्दनको हाड खिइने समस्या देखापर्छ

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com