अमेरिकामा उपमेयरमा नेपाली मूलका किरण सिटौला निर्वाचित
प्रकाशित मिति : जेष्ठ ३, २०७६ शुक्रबार
अमेरिकाको मेरिल्यान्ड राज्यअन्तर्गत इन्डियन नगरपालिकाको नगर उपप्रमुखमा नेपाली मूलका किरण सिटौला निर्वाचित भएका छन ।
मेरिल्यान्डको टाउन अफ इन्डियन हेड नगरपालिकाको उपमेयरमा सिटौला दोस्रो कार्यकालका लागि विजयी भएका हुन् । काठमाडौंको बूढानीलकण्ठ पढेका सिटौला उच्च शिक्षाका लागि २५ वर्षअघि अमेरिका पुगेका थिए ।
उपमेयर निर्वाचित सिटौलाको सहरमा अत्याधुनिक पुस्तकालय, नेपाली समुदायलाई व्यवसाय विस्तारमा सहयोग, नयाँ पुस्तालाई अमेरिकी मूलधारको राजनीतिमा ल्याउन सहयोग गर्ने लगायत योजना रहेको छ ।