ग्रिनकार्ड, सिमा सुरक्षा लगायतका ६ विषय समेटिएको अध्यागमन योजना घोषणा गर्दै ट्रम्प - KHASOKHAS

ग्रिनकार्ड, सिमा सुरक्षा लगायतका ६ विषय समेटिएको अध्यागमन योजना घोषणा गर्दै ट्रम्प

अमेरिकी राष्ट्रपति डोनाल्ड ट्रम्पले अमेरिकामा कस्ता आप्रवासीहरुलाई अनुमति दिने भन्ने सन्दर्भको महत्वपूर्ण परिवर्तनको योजना घोषणा गर्ने तय भएको छ । बिहिबार ह्वाइट हाउसको रोज गार्डेनमा विशेष सम्बोधनमार्फत ट्रम्पले यस्तो योजना घोषणा गर्न लागेका हुन् ।

नयाँ योजना अन्तरगत अमेरिकामा परिवारमा आधारित ग्रिनकार्डलाई निरुत्साहन गरिनेछ भने क्षमतामा आधारित ग्रिनकार्डलाई प्रोत्साहित गरिनेछ । समग्रमा प्रदान गरिने ग्रिनकार्डको संख्या भने परिवर्तन नगरिने तर ग्रिनकार्ड प्रदान गर्ने तरिकामा परिवर्तन गरिने विषय योजनामा समेटिएको छ ।

ट्रम्पले घोषणा गर्ने योजनामा ६ वटा विषयहरु समेटिएको छ । पर्खाल निर्माणको काम पूरा गरेर सिमालाई सुरक्षित गर्ने, कमज्यालामा काम गर्ने श्रमलाई सन्तुलित गर्ने, क्षमतावान आप्रवासीहरुलाई आकर्षित गर्ने, नजिकका परिवारका सदस्यको ग्रिनकार्डलाई प्राथमिकता दिने, समस्याग्रस्त उद्योगका लागि कामदार निर्यात गर्ने र एसाइलम कायम राख्ने तर सिमित गराउने लगायतका विषय समेटिएका छन् ।

अहिलेको शुत्र अनुशार क्षमतामा आधारित १२ प्रतिशत, परिवारमा आधारित ६६ प्रतिशत र एसाइलम लगायत मानवीयतामा आधारित २२ प्रतिशत ग्रिनकार्ड जारी गरिदै आएको छ । तर ट्रम्पले यसलाई परिवर्तन गरेर क्षमतामा आधारित ५७ प्रतिशत, परिवारमा आधारित ३३ प्रतिशत र एसाइलम लगायत मानवीयतामा आधारित १० प्रतिशत ग्रिनकार्ड जारी गर्ने योजना अगाडि सार्दैछन् । बर्षमा जारी गरिने झण्डै ११ लाख ग्रिनकार्डको संख्या भने कायम रहनेछ ।

बुधबार, जेष्ठ १, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com