टीपीएसमा हुने नेपालीलाई एसाइलम गर्न एकबर्षको समयसिमा नलाग्ने
प्रकाशित मिति : बैशाख २९, २०७६ आईतबार
अमेरिकामा टीपीएसमा हुने नेपालीहरुलाई एसाइलम आवेदन दिनका लागि एकबर्षको समयसिमा नलाग्ने युएससीआईएसले स्पष्ट पारेको छ । तर टीपीएसमा जानुभन्दा अगाडि अमेरिकामा प्रवेश गरेको एकबर्ष भने पूरा नभएको हुनुपर्छ ।
यदि कुनै व्यक्ति टीपीएसमा जानुभन्दा अगाडि अमेरिकामा आएको एकबर्ष पूरा भएको थिएन भने उक्त व्यक्तिले अहिले पनि एसाइलम आवेदन दिन पाउने युएससीआईएसले स्पष्ट पारेको छ । टीपीएसमा जानासाथ उक्त व्यक्तिको एसाइलमका सन्दर्भमा अमेरिका बसाईको गणना रोकिने जनाइएको छ ।
टीपीएसलाई असाधारण अवस्थाका रुपमा स्वीकार गरिने र सन् २०१५ मा टीपीएस प्राप्त गरेको नेपालीले त्यो भन्दा अगाडि नै अमेरिकामा एकबर्ष बिताएको छैन भने अहिले पनि एसाइलम आवेदन दिन पाउने युएससीआईएसको भनाई छ ।
