मध्यराति ५.१ म्याग्निच्यूडको भूकम्प
प्रकाशित मिति : बैशाख २९, २०७६ आईतबार
शनिबार राति १२ बजेर ३६ मिनेटमाा दैलेख केन्द्रबिन्दु बनाएर ५.१ म्याग्निच्यूडको भूकम्प गएको छ। राष्ट्रिय भूकम्प मापन केन्द्रका अनुसार भुकम्प दैलेखको नौ मुले गाउँपालिकाको बालुवाटारलाई केन्द्रबिन्दु बनाएर गएको हो ।
मध्यराति भूकम्प भएपछि मानिसहरू त्रसित भएको थिए । भूकम्पबाट क्षति नभएको हुन सक्ने अनुमान गरिएको छ । अहिलेसम्म क्षतिबारे केही विवरण प्राप्त भएको छैन ।
मध्यपश्चिमी र सुदूरपश्चिमी पहाडमा यसअघि पनि साना भूकम्पका धक्का गइरहेका छन्। यसअघि गत वैशाख १ गते बझाङ केन्द्रबिन्दु भएर ४.८ म्याग्निच्यूडको भूकम्पको धक्का महसुस भएको थियो ।