निर्वाचनको मिति घोषणा गर्न सांसदहरुको माग
प्रकाशित मिति : माघ १७, २०७३ सोमबार
निर्वाचनको मिति तत्काल घोषणा गरेर बाँकी काम टुग्याउँदै जानु पर्ने नेपाली कांग्रेस र नेकपा एमालेका सांसदहरुले बताउनु भएको छ । एबीसी न्यूजको नियमित टक सो एबीसी वाचमा कुरा गर्दै नेपाली कांग्रेसका सचेतक एवं केन्द्रिय सदस्य इश्वरी न्यौपाने र नेकपा एमालेका सांसद एवं केन्द्रिय सदस्य सिता गिरी ओलीले तत्काल निर्वाचनको मिति घोषणा गरेर बाँकी कामहरु राजनीतिक सहमतिमा गर्नुपर्ने बताउनु भएको हो ।
निर्वाचन गर्न आवश्यक विद्ययक पारित गर्दै राजनीतिक विषय हल गर्न समय लाग्ने भएकाले निर्वाचनको मिति घोषणा गर्न ढिलो गर्न नहुने उहाँहरुको भनाई छ ।
केही समय राखेर निर्वाचन मिति घोषणा गर्ने र बाँकी काम त्यही समयभित्र टुग्याउनु पर्ने उहाँको भनाई छ । २०७४ माघ ७ अगावै तीन चरणको निर्वाचन गर्नु पर्ने भएकाले मुख्य दलहरु गम्भिर बन्नु पर्ने उहाँको भनाई छ । सांसदद्धयसँगको अन्तर्वाता आज राती १० बजेको समाचारपछि पुनप्रसारण हुनेछ ।