हृदयघातका कारण जापानमा एक नेपालीको निधन
प्रकाशित मिति : बैशाख २४, २०७६ मंगलबार
बागलुङ जिल्ला बिहुँकोट स्थायी घर भई हाल जापानको साइतामामा बस्दै आएका ५३ बर्षिय हितराज कँडेलको यही आइतवार निधन भएको छ ।
बिहुँकोट समाज जापानका अनुसार आफु बस्दै आएको खावागोय नजिकैको पार्कमा घुम्न गएको समयमा हृदयघातका कारण उनको निधन भएको हो । उनको आइतबार मध्यान्ह १२ बजे निधन भएको बताइएको छ ।
श्रीमती र ३ छोराहरु सहित जापानमै बस्दै आएका कँडेल जापानमा आफ्नै रेष्टुरेन्ट ब्यवसायमा संलग्न थिए ।
स्व. कँडेलको आज मंगलवार साइतामाको खावागोयमा नै अन्त्येष्टि गरिने भएकोले श्रद्धाञ्जलीका लागि उपस्थित हुन इच्छुक नेपाली दाजुभाइ, दिदीबहिनीहरुलाई बिहुँकोट समाजले अपिल गरेको छ ।
अन्त्येष्टि हुने स्थानको ठेगाना Saitama-Ken, Kawagoe-Shi, Kosenba 786-1, 350-0031 हो ।
जापानमा एक हप्ताको अन्तरालमा दुई जना नेपालीको मृत्यु भएको छ । गत आइतबार अर्थात् मे २८ तारिकमा चितवन घर भई हाल जापानको चिबामा बस्दै आएका विपिन धितालको पनि आकस्मिक निधन भएको थियो ।
आफ्नै रेष्टुरेन्ट सन्चालन गर्दै आएका धितालको लिभरमा समस्या थियो। श्रीमती सहित जापान बस्दै आएका उनको खाना पकाउदै गर्दा मृत्यु भएको थियो ।