प्रधानमन्त्रीले निम्छरा प्रश्नको जवाफ दिन्न भनेपछि,प्रतिपक्षले मच्याए हंगामा
प्रकाशित मिति : बैशाख २४, २०७६ मंगलबार
संघीय संसदको प्रतिनिधिसभामा प्रधानमन्त्री केपी शर्मा ओली र प्रमुख प्रतिपक्षी दल नेपाली काँग्रेस बीच केही समय आरोपप्रत्यारोप चल्यो ।
आर्थिक वर्ष २०७६/०७७ को सरकारको नीति तथा कार्यमाथि उठेका प्रश्नहरुको प्रधानमन्त्री ओलीले जवाफ दिने क्रममा हंगामा मच्याए हो ।
प्रधानमन्त्री ओलीले जवाफको सुरुवातामै भन्नुभयो , ‘जिज्ञासाका लागि धन्यवाद, आक्रोष कुण्ठा र निम्छरा अभिव्यक्तीको वास्ता नगरेर प्रश्नहरुको जवाफ दिन्छु ।’ त्यसपछि नेपाली काँग्रेसका नेता मीन विश्वकर्माले उठेर आपत्ती जनााउनु भयो । प्रधानमन्त्रीको सो अभिव्यक्ती संसदको रेकर्डबाट हटाउन माग गरे ।
सभामुख कृष्णबहादुर महराले काँग्रेसका सांसदहरुलाई ध्यानआकर्षण भएको बताउँदै बस्न आग्रह गरेपछि उनिहरु बसेनन् । प्रधानमन्त्री ओलीले रोष्ट्रमबाट जवाफ दिन सुरु गर्नुभयो । त्यसपछि काँग्रेसका सांसदहरु झनै आक्रोशित भए । काँग्रेसका साँसद र प्रधानमन्त्रीबीच थप घोचपेच चल्यो ।