Follow @khasokhasmag

लक्सो ट्याक्सीले नेपाली चालकलाई लक्षित गर्दै शेयर धनि कार्यक्रम ल्यायो


प्रकाशित मिति : बैशाख २३, २०७६ सोमबार

नेपालीहरुको लगानीमा स्थापित एप वेश ट्याक्सी कम्पनी लक्सोले नेपाली चालकहरुलाई लक्षित गर्दै शेयर धनी समेत बन्न सक्ने ‘लक्सो कन्र्भरटिबल नोट’ नामक प्रोत्साहन कार्यक्रम कार्यक्रम ल्याएको छ । एप वेश ट्याक्सी कम्पनी लक्सो राइडले नेपाली चालकहरुलाई कम्पनीको शेयर धनीका रुपमा लैजान लागेको हो ।

न्यूयोर्कमा रहेका नेपाली ट्याक्सी चालकहरुलाई शेयर राख्न आव्हान गरेको छ । आइतवार न्यूयोर्कमा सार्वजनिक कार्यक्रमको आयोजना गरी सबै चालकहरुलाई लक्सो एप प्रयोग गरी काम गर्न आव्हान गर्दै कम्पनीको मालिक समेत बन्न आग्रह गरेको छ । लक्सो राइड कम्पनीले फ्रेण्डस् एण्ड फेमिलीका लागि ‘लक्सो कन्र्भरटिबल नोट’ नामक यस्तो प्रोत्साहन कार्यक्रम ल्याएको हो ।

कम्पनीका प्रमुख कार्यकारी अधिकृत जयस श्रेष्ठले भने, हामी नेपाली चालकलाई लक्षित गरेर बजार बिस्तार गरेका हौं, हामीलाई तपाईहरुले सहयोग गर्नुस, लक्सो प्रयोग गरेर काम गर्नुस । श्रेष्ठले अमेरिकाका अन्य राज्यहरुमा समेत यसलाई लैजाने र उबर, लिफ्ट, जुनो जस्तै ठुला कम्पनीहरुसंग प्रतिस्पर्धा गर्ने लक्ष्य राखिएको बताए । न्यूयोर्क राज्यमा करिव पाँच हजार नेपाली चालक छन् ।

यसैबीच आइतवार भेला भएका नेपाली चालकहरुले नेप्लिज अमेरिकन ड्रार्भर एशोसिशन नामक संस्था स्थापना गर्ने निर्णय गरेका छन् । नेपाली चालकहरुलाई पर्ने समस्या र समाधानका लागि एकिकृत हुनका लागि यस्तो संस्था स्थापना गर्ने निर्णय भएको जनाइएको छ । यस्तो संस्थाको संयोजकमा रोकेश गुरुङ छन्, समिति बिस्तार गर्दै लगिने जनाइएको छ ।

नेपाली चालकहरुको संस्था स्थापना गर्न लाग्ने पहिलो चरणको खर्च लक्सो कम्पनीले बेहोर्ने कम्पनीका शहदेव बानियाले जानकारी दिएका छन् । कम्पनीले हाल प्रति राइड १५ प्रतिशत मात्रै खर्च राखेर बाँकी ८५ प्रतिशत आम्दानी चालकलाई दिने गरेको छ । न्यूयोर्कमा रहेका सम्पूर्ण नेपालीहरुलाई समेत लक्सो एप डाउनलोड गरी प्रयोग गर्न अनुरोध गरिएको छ ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com