‘नेशनल हिरो’ कुलमान घिसिङलाई अष्ट्रेलियामा सम्मान
प्रकाशित मिति : बैशाख १९, २०७६ बिहीबार
Interview with Kulman Ghising, Managing director of Nepal Electricity Authority at Ratnapark in Kathmandu on Sunday, September 25, 2016. PHOTO: Balkrishna Thapa Chhetri/THT
नेपालीलाई लोडसेडिङको अन्धकारबाट सधैंकालागि मुक्ति दिलाएका नेशनल हिरो कुलमान घिसिङलाई अष्ट्रेलियामा सम्मानित गरिने भएको छ ।
नेपाल विद्युत प्राधिकरणका प्रबन्ध निर्देशक घिसिङलाई गैर आवासीय नेपाली संघले सम्मान गर्न लागेको हो । घिसिङको सम्मानमा एनआरएनएले सिड्नीमा रात्री भोज गर्ने भएको हो ।
उज्यालो नेपालका अभियन्ता घिसिङले नेपालमा लोडसेडिङ हटाएर जनपक्षीय काम गरेको भन्दै २६ मेका दिन उनकै उपस्थितिमा रात्री भोज गर्न लागिएको एनआरएनए अष्ट्रेलियाको समाज कल्याण कोषले जनाएको छ ।
यस्तै कार्यक्रममा भूकम्पमा सिन्धुपाल्चोकको माझी बस्ती बनाएकी अभिनेत्री श्वेता खड्कालाई पनि सम्मान गरिने भएको छ । उनको समाजसेवा अनुकरणीय रहेको कारण सम्मान गरिन लागेको बताइएको छ । कार्यक्रममा खड्का विशेष अतिथि रहनेछिन् । गत साता ट्युमरको अपरेशन गरेकी खड्का हाल आराम गरिरहेकी छिन् ।