तीनदिने अमेरिका भ्रमणका क्रममा पूर्व प्रधानमन्त्री नेपाल भोलि विहान न्युयोर्क आउँदै
प्रकाशित मिति : बैशाख १६, २०७६ सोमबार
पूर्व प्रधानमन्त्री तथा नेपाल कम्युनिष्ट पार्टीका बरिष्ठ नेता माधवकुमार नेपाल भोलि मंगलबार विहान न्युयोर्क आउनुहुने भएको छ । विहान ९ बजे जोन अफ केनेडी अन्तर्राष्ट्रिय विमानस्थलमा नेता नेपालको स्वागत गरिने प्रवासी नेपाली मञ्च अमेरिकामा महासचिव राधाकृष्ण देउजाले जानकारी दिनुभयो ।
पारिवारिक भ्रमणको दौरानमा अमेरिका आउने नेता नेपाल न्युयोर्कबाट लगत्तै कोलोराडो जानुहुने भएको छ । पार्टीको बैठक लगायत अन्य कारणले नेता नेपालको अमेरिका बसाई अत्यन्तै छोटो रहने जनाइएको छ ।
‘जस्तोसुकै व्यस्तताकोबीचमा पनि आफ्ना तमाम कार्यकर्ताहरुदेखि समर्थक शुभेच्छुकहरुसम्म सम्पर्कमा रहन चाहने उहाँको परिचय नै छ । त्यसै अनुसार अमेरिकामा रहँदा सम्भव धेरै साथीहरुसंग सम्पर्कमै रहनु हुनेछ ।’ – देउजाले जानकारी दिनुभयो ।
कोलोराडो जाने क्रममा न्युयोर्कको जोन एफ केनडी विमानस्थलमा अलिक लामो ट्रान्जिट रहेकोले केहि घण्टा वाहिर निस्किएर भेटघाट गर्ने जनाइएको छ । नेता नेपालको अमेरिकाको बसाई जम्मा तीनदिनको रहने जनाइएको छ ।