भिसा बुलेटिन : ग्रिनकार्ड होल्डरका यी दम्पत्ति र छोराछोरीलाई मे महिनामा ग्रिनकार्ड - KHASOKHAS

भिसा बुलेटिन : ग्रिनकार्ड होल्डरका यी दम्पत्ति र छोराछोरीलाई मे महिनामा ग्रिनकार्ड

अमेरिकी ग्रिनकार्ड होल्डरका सन् २०१७ को मे १५ भन्दा अगाडि प्राथमिकता मिति हुने दम्पत्ति र २१ बर्षभन्दा कम उमेरका छोराछोरीहरुले मे महिनामा ग्रिनकार्ड पाउने भएका छन् । अमेरिकी सरकारको विदेशमन्त्रालयबाट प्रकाशित भिसा बुलेटिन अनुशार ग्रिनकार्ड होल्डरका दम्पत्ति र २१ बर्षभन्दा कम उमेरका छोराछोरीहरुका लागि सन् २०१७ को मे १५ भन्दा अगाडि प्राथमिकता मिति हुनेगरी फाइल गरिएका आवेदनमा मे महिनामा अन्तिम निर्णय लिइने छ ।

त्यस्तै आई १३० स्वीकृत भइसकेका ग्रिनकार्ड होल्डरका दम्पत्ति र २१ बर्षभन्दा कम उमेरका छोराछोरीहरुको आवेदनको प्राथमिकता मिति सन् २०१८ को जनवरी ८ भन्दा अगाडि छ भने उनीहरुको आवेदन मे महिनामा ग्रिनकार्डका लागि प्रकृयामा लगिनेछ । उनीहरु अमेरिका भित्रै रहेको खण्डमा झण्डै ६ महिनाभित्र ग्रिनकार्ड र अमेरिका बाहिर रहेको खण्डमा आप्रवासी भिसा पाउने अपेक्षा गर्न सकिन्छ ।

मे महिनाको भिसा बुलेटिनलाई आधारमानेर हेर्दा ग्रिनकार्ड वाहकले श्रीमान् वा श्रीमतिका लागि ग्रिनकार्ड आवेदन दिएको खण्डमा ग्रिनकार्ड प्राप्त गर्नका लागि कम्तीमा २ बर्षको अवधि लाग्ने गरेको छ । त्यस्तै ग्रिनकार्डवाहकका २१ बर्षभन्दा कम उमेरका छोराछोरीहरुका लागि पनि झण्डै २ बर्षको अवधि लाग्ने गरेको छ ।

शनिबार, चैत्र ३०, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com