बन्धक बनाएका १२ नेपाली महिलाको उद्धार
प्रकाशित मिति : चैत्र १७, २०७५ आईतबार
इराक, कुवेत र दुबई पठाइदिने भन्दै नयाँदिल्लीको बाहिरी क्षेत्रमा पर्ने छावला थाना, द्वारकामा बन्धक बनाएर राखिएका १२ जना नेपाली महिलाको शनिबार मध्यराति उद्धार गरिएको छ ।
दिल्ली महिला आयोग, दिल्ली प्रहरी, नेपाली दूतावास र केआई नेपालको संयुक्त टोलीले शनिबार राति छापामारेर उनीहरुको उद्धार गरेको के आई नेपालका कार्यक्रम निर्देशक इन्द्र भट्टराईले जानकारी दिनुभयो । उद्धार गरिएका महिला २२ देखि ४२ उमेरका छन्।
महिलाहरुलाई आवश्यक कानुनी प्रक्रियापछि नेपाल फर्काइने कार्यक्रम निर्देशक भट्टराईले जानकारी दिनुभयो ।
विगत १२ बर्षदेखि निरन्तर मानव बेचबिखन र लैंगिक हिंसा अन्त्यको अभियानमा कार्यरत केआई नेपाल , नेपाल सरकारको मानव बेचबिखन र अोसारपसार नियन्त्रण राष्ट्रिय समिति सदस्य संस्था। केआई नेपालले सन् २०१८ मा भारत र अन्य मुलुकबाट १०५ जना र सीमाबाट ८२८ महिला र किशोरीको उद्धार गरेको निर्देशक भट्टराईले जानकारी दिनुभयो ।