मलेसियामा एक नेपालीले गरे सिलिङ्ग फ्यानमा झुन्डेर आत्महत्या
प्रकाशित मिति : चैत्र १७, २०७५ आईतबार
मलेसियामा एक नेपालीले झुण्डिएर आत्महत्या गरेका छन् । मलेसियाको इपोहमा दुई बर्ष अगाडी मलेसिया आएका एक नेपालीले झुण्डिएर आत्महत्या गरेका हुन् ।आत्महत्या गर्नेमा धनकुटा जिल्ला घर भएका टंक बहादुर कार्की रहेका छन् । उनी इपोह स्थित एक नेपाली रेस्टुरेन्टमा कार्यरत रहेका थिए ।
हिजो राति ११ बजे काम सकाएर सुत्न गएका उनी करिब ७ बजेतिर नउठेपछि ढोका फुटाएर हेर्दा सिलिङ्ग फ्यानमा झुन्डेर मृत अबस्थामा फेला परेका थिए । सिलिङ्ग फ्यानमा झुन्डेर मृत अबस्थामा फेला परेपछी साथीहरुले तुरुन्त स्थानीय प्रहरी लाई खबर गरेका थिए । साथिहरुको अनुसार कार्की अविवाहित रहेको र केहिदिन देखि मानसिक तनावमा रहेको बताएका छन् । कार्कीको शवलाई पोस्टमार्टमको लागि इपोह स्थित राजा हस्पिटलमा राखिएको र आत्महत्या गरेको ठाउमा कुनैपनि शंकास्पद वस्तु नभेटिएको बताइएको छ ।