न्युयोर्क क्वीन्स लाइब्रेरीमा नेपाली बालबालिकालाई नेपाली भाषा शिक्षा सुरु


प्रकाशित मिति : चैत्र १६, २०७५ शनिबार

न्युयोर्कको कोरोनामा रहेको लेफ्राक सिटी क्वीन्स लाइब्रेरीमा नेपाली भाषा र नैतिक शिक्षाको कक्षा सुरुवात गरिएको छ । क्वीन्स नेपलिज लायन्स क्लबका अध्यक्ष पुरुषोत्तम पन्थीको पहलमा नेपाली बालबालिकाका लागि भाषा, साहित्य तथा नैतिक शिक्षा कक्षा सुरुवात गरिएको हो ।

साप्ताहिक रुपमा संचालन गरिने उक्त कक्षामा कखरा नजान्ने बच्चाहरुलाई कखराबाटै नेपाली भाषा सिकाइने छ । नेपाली भाषामा अभिवादन लगायतका त्यस्तै आम जीवनमा लागु हुने नैतिक कुराहरु पनि सिकाइने तथा नेपालको बारेमा जानकारी दिइने पन्थीले जानकारी दिनुभयो ।

हरेक शनिबार ३ बजेदेखि सुरु हुने भाषा, साहित्य तथा नैतिक शिक्षा सम्पूर्ण थापा, रुपा भण्डारी, चेतनारायण पाण्डे र आस्था भण्डारीले सिकाउनुहुने भएको छ । ४ बर्षदेखि १९ बर्षसम्मकालाई सिकाइने उक्त कक्षामा आफ्ना बालबालिकाहरुलाई सामेल गराउन चाहने अभिभावकहरुले क्वीन्स नेपलिज लाइन्स क्लब वा त्यसका अध्यक्ष पुरुषोत्तम पन्थीलाई सम्पर्क गर्न सकिनेछ ।

आजदेखि सुरुवात गरिएको औपचारिक उद्घाट कार्यक्रमको संचालन पुरुषोत्तम पन्थीले गर्नुभयो भएको थियो । उद्घाटन कार्यक्रममा क्वीन्स नेपलिज लाइन्स क्लबका पूर्व अध्यक्ष मंगलदाश श्रेष्ठ, लायन सुनिता श्रेष्ठ, दोश्रो उपाध्यक्ष बाबुराम गुरुङ, लायन राजेन्द्र खड्का, साहित्यकार कमला प्रसाई, अभिभावकको तर्फबाट सबु सापकोटा लागायतले मन्तब्य दिनुभएको थियो ।

अहिलेसम्म ३० जना बालबालिकाले कक्षामा सहभागिताका लागि नाम दर्ता गराइसकेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com