कनेक्टिकट नेपाली समाजमा जितेन्द्र बस्नेतको अध्यक्षतामा नयाँ नेतृत्व
प्रकाशित मिति : चैत्र १२, २०७५ मंगलबार
– केपी भट्ट
विभिन्न पेसामा गरेर अमेरीकामा रहनु भएका नेपालीहरुको साझा संस्था नेपाली समाज कनेटिकेटको नयाँ कार्यकालको लागि जितेन्द्र बस्नेत अध्यक्षमा निवार्चित हुनुभएको छ । अध्यक्ष पदका अर्का प्रतिस्पर्धी नारायण पौडेल लाई पराजित गर्दै उहाँ विजयी हुनु भएको हो ।
कुल मतदाता संख्या ५६७ रहेको नेपाली समाज कनेक्टिकटमा जम्मा ५१४ मत खसेको थियो । जस मध्ये निबार्चित बस्नेतले ३२९ मत प्राप्त गर्नु भएको थियो भने अर्का प्रतिस्पर्धी नारायण पौडेलले १८० मत प्राप्त गर्नु भएको थियो । ५ मत बदर भएको निवार्चन समिति ले जानकारी दिएको छ ।
संस्थाको उपाध्यक्षमा जय राई, सचिबमा भद्रा राई, सहकोषाध्यक्षमा कुल देव अधिकारी, सह सचिवमा रविन तुम्बाफे, युवा संयोजकमा विधान अधिकारी, सदस्य हरुमा रिन्कु श्रेष्ठ र सुवास बुढ़ाथोकी चयन हुनुभएको छ ।
