एउटै खुट्टाले नाचेर संसार हल्लाउने रोमाले खेलिन फिल्म (भिडियो सहित)
प्रकाशित मिति : चैत्र १०, २०७५ आईतबार
नेपाली कथानक चलचित्र ‘हातमा बत्ती लिएकी केटि’ को ट्रेलर युट्युबमा सार्वजनिक भएको छ ।
एउटा खुट्टाले नाचेर राष्ट्रिय तथा अन्तर्राष्ट्रियस्तरमा चर्चामा रहेकी कलाकार रोमा न्यौपानेलाई मुख्य भूमिकामा प्रस्तुत गरेको छ । उनि उक्त चलचित्रको नायिका हुन् । चर्चित नृत्यकारको सूचीमा रोमा एक नम्बरमा पर्छिन् । उनी अपाङ्गता भएकी नृत्यकार हुन् । उनको एउटा खुट्टा छैन ।
एउटा खुट्टाले आर्कषक नृत्य गर्ने भएकाले उनी नृत्य क्षेत्रमा चर्चित छन् । उनको नृत्य सपाङ्गको भन्दा दोब्बर आकर्षक छ । एउटा खुट्टाले उनले नाच्न सुरू गरेपछि दर्शकहरु चकित पर्छन् ।
चलचित्रमा रोमाका अलावा अरुण ढुंगाना, गरिमा बिक, रबि गिरि आदिको अभिनय रहेको छ । निर्देशक रिम बिश्वकर्माले निर्देशन गरेको उक्त चलचित्रमा एउटा खुट्टा भएकी युवती र दृष्टिबिहीन युवकको कथालाई प्रस्तुत गरेको छ ।