होली खेल्ने क्रममा धरानमा ग्याङ् फाइट हुँदा एकको छुरी प्रहर गरि हत्या
प्रकाशित मिति : चैत्र ८, २०७५ शुक्रबार
धरानमा होली खेल्ने क्रममा दुई समूहबीच झडप हुँदा एक जनाको मृत्यु भएको छ । दिउसाे साढे ३ बजे धरान–७ बगैचालाइन स्थित दुइ समुह बिच झडप हुँदा रान–८ का २० वर्षीय निमा तामाङको छातीको दाँहिने भागमा छुरी प्रहारबाट मृत्यु भएको हो । तामाङ धरानस्थित बीपी कोइराला स्वास्थ्य विज्ञान प्रतिष्ठानमा उपचारको क्रममा निधन भएको प्रहरीजे जनाएकाे छ ।
झडपमा धरान–८ का १७ वर्षीय मिलन बिक घाइते भएका छन् । प्रहरीले कानून विपरीत कार्य गरेको आरोपमा २१ जनालाइ पक्राउ गरेको छ । उनीहरूको साथबाट कट्टी, खुकुरी, बञ्चरोलगायतका हतियार बरामद गरेको जनाइएकाे छ । घटनाकाे अनुसन्धान भइरहेकाे इलाका प्रहरी कार्यालय धरानले जनाएको छ ।