खेत जोत्ने क्रममा करेन्ट लागेर कृष्णबहादुरको ज्यान गयो
प्रकाशित मिति : चैत्र ५, २०७५ मंगलबार
विरुवा गाउँपालिका वडा नं. ६ मा खेत जोत्ने क्रममा करेन्ट लागेर एकजनाको मृत्यु भएको छ । ५७ वर्षीय कृष्णबहादुर थापाको खेतमा जोत्ने क्रममा करेन्ट लागेर सोमबार दिउँसो मृत्यु भएको हो।
खेत जोत्दा बिजुलीको काठको पोलमा जुवा ठोक्किँदा पोल भाँचिन गई थापालाई करेन्ट लाग्दा घटनास्थलमा नै मृत्यु भएको इलाका प्रहरी कार्यालय रत्नपुरले जनाएको छ।
गोरुलाई भने क्षति नपुगेको बताउँदै मृतकको शव पोष्टमार्टमको लागि जिल्ला अस्पताल स्याङ्जा ल्याइएको छ । थापाले श्रीराम कोईरालाको खेत अँधिया लिएर कमाउँदै आएको प्रहरी नायब उपरीक्षक नवीनकृष्ण भण्डारीले जानकारी दिए।
