काठमाडौंको तारकेश्वरमा बर्डफ्लु भएको पुष्टि, सतर्क रहन आग्रह
प्रकाशित मिति : चैत्र ४, २०७५ सोमबार
तराईका विभिन्न जिल्लामा बर्ड फ्लू देखिरहेका बेला राजधानी काठमाडौँमा पनि बर्ड फ्लु देखिएको छ। काठमडौँको तारकेश्वर र टोखा नगरपालिकामा बर्ड फ्लू देखिएको पशु सेवा विभागले जनाएको छ।
बर्डफ्लु भएको पुष्टि भएपछि २८ हजार कुखुरा नष्ट गरिएको छ। बर्डफ्लु भएको पुष्टि भएपछि सो प्रभावित क्षेत्रमा रहेका पोल्ट्रीफार्मका कुखुरा नष्ट गर्ने काम भैरहेको हो । अन्य पोल्ट्रीफार्मका कुखुरामा पनि बर्डफ्लुको लक्षण देखिन थालेकाले परीक्षणका लागि पठाइसकिएको बताइेको छ ।
अहिले ति स्थानका बर्ड फ्लू संक्रमित कुखुरा नष्ट गरिएकोे र वरपरका ठाउँमा पनि संक्रमणको जोखिम भए नभएकोबारे अनुगमनको तयारी भैइरहेको विभागले जनाएको छ।