विप्लव पार्टीलाई वार्ताकै माध्यामबाट राजनीतिको मुल धारमा ल्याउन उपयुक्त : नेता खाँड
प्रकाशित मिति : फाल्गुन २९, २०७५ बुधबार
प्रमुख प्रतिपक्ष दल नेपाली काँग्रेसले नेत्र विक्रम चन्द नेतृत्वको नेपाल कम्युनिष्ट पार्टीलाई वार्ताकै माध्यामबाट राष्ट्रिय राजनीतिको मुल धारमा ल्याउन अधिकतम पहल गर्न सरकारलाई सुझाव दिएको छ ।
प्रमुख प्रतिपक्ष दल नेपाली काँग्रेसका नेता बालकृष्ण खाँडले चन्द नेतृत्वको नेपाल कम्युनिष्ट पार्टीलाई प्रतिबन्ध लगाउने भन्दा पनि उनीहरुलाई वार्ता र संवादकै बाटोबाट संवैधानिक प्रक्रिया र राष्ट्रिय राजनीतिको मुल धारमा ल्याउन उपयुक्त हुने पनि स्पष्ट पार्नु भयो ।
बुधबार संघीय संसद भवन परिसर नयाँ बानेश्वर संचारकर्मीहरुले राखेका जिज्ञासाको जवाफ दिने क्रममा उहाँले चन्द नेतृत्वको नेकपाले गरिरहेको हिंसात्मक गतिविधि स्विकार्य नहुने उल्लेख गर्दै उनीहरुलाई सरकारले प्रतिबन्ध लगाउने भन्दा पनि राष्ट्रिय राजनीतिक मुल धारमा ल्याउन अधिकतम पहल गर्न उपयुक्त हुने बताउन’ भयो
। नेता खाँडले राष्ट्रिय राजनीतिको मुल प्रवाहमा आउन पनि चन्द नेतृत्वको नेकपालाई आह्वान गर्नु भयो ।
नेपाली काँग्रेसका प्रतिनिधिसभाका प्रमुख सचेतक समेत रहनु भएका नेता खाँडले चन्द नेतृत्वको नेकपालाई उत्तेजित बनाउने खालको कुनै पनि गतिविधि अघि नबढाउन पनि सरकारलाई आग्रह गर्नु भयो ।