दार्चुलामा भएको दुर्घटनामा म १ ज २८० नम्बरको जिप माहाकाली नदी किनारमा खस्दा ११ को मृत्यु
प्रकाशित मिति : फाल्गुन १८, २०७५ शनिबार
हिजो शुक्रबार बेलुका दार्चुलाको राताकाठामा एउटा जिप दुर्घटना हुँदा ११ यात्रुहरुको निधन भएको छ। म १ ज २८० नम्बरको जिप चलाउने चालक दीपक धामी उक्त दुर्घटनामा गम्भीर घाइते भएको खबर रहेकोछ।
जानकारी अनुशार दार्चुला तिङ्कर सडकखण्डको राताकाठामा शुक्रबार राति ८ बजेतिर जिप दुर्घटना भएको थियो। दुहु गाउँपालिका ३ राताकाठामा दार्चुलाबाट हिकिला गइरहेको जिप दुर्घटना भएको थियो।
दुर्घटनाको खबर पाएपछी जिल्ला प्रहरी कार्यालय दार्चुला र सीमा सुरक्षा गुल्म दार्चुलाको टोली दुर्घटना भएको स्थलतर्फ गएको थियो।
घटनास्थलबाट जिप चालक दीपकसिंह धामीलाई उद्धार गरी जिल्ला अस्पताल दार्चुला ल्यइएको छ। घटनास्थलमा १० शव भेटिएको सशस्त्र प्रहरी बल नेपाल ५० नम्बर गुल्म दार्चुलाका गुल्मपती भिमबहादुर चन्दले जानकारी दिए।
जिपमा १४ जना सवार रहेको प्रहरीको भनाइ छ। जिप सडकबाट करिब ५ सय मिटर तल महाकाली नदी किनारमा खसेको छ।
राती को समय भएको कारण ले गर्दा हिजो राती उद्धारमा कठिनाइ भएको प्रहरीको भनाइ थियो र त्यस कारण उद्धार कार्य आज शनिबार गरिने भएकोछ ।