यही हिसाबले देश, ५० वर्षसम्म पनि विकास हुन्न : डा भट्टराई


प्रकाशित मिति : फाल्गुन ११, २०७५ शनिबार

नयाँ शक्ति पार्टीका संयोजक डा बाबुराम भट्टराईले मुलुकमा संस्थागत सुधारका काम गर्नुपर्नेमा जाेड दिएका छन् ।

पार्टीको एक महिने जनसंवाद यात्रा अभियानका दाैरान दैलेख अाएका डा भट्टराईले मुलुकमा महत्वपूर्ण राजनीतिक परिवर्तन हुँदा पनि कमजोर कार्यशैलीका कारण देशकाे विकास हुन नसकेको बताए ।

सदरमुकाममा आयाेजित ‘सुशासन र सदाचार अन्तरक्रिया’ कार्यक्रममा बाेल्दै उनले अख्तियार आयोगजस्ताे निकायमै भ्रष्टाचार रहेकाे तर्फ इंगित गर्दै भने, ‘संस्थागत सुधार गर्न नसके सुशासन र सदाचार कायम हुन सक्दैन । यसतर्फ बेलैमा ध्यान नदिएमा ५० वर्षसम्म पनि देश विकासको स्थिति यस्तै रहनसक्ने खतरा छ ।’

पूर्वप्रधानमन्त्री समेत रहेका भट्टराईले विज्ञान र प्रविधिले पुरातन विश्वास भत्काएका कारण आशा जगाएको बताए । कार्यक्रममा उपस्थित जिल्लास्थित राजनीतिक दल, शिक्षक, बुद्धिजीवी, नागरिक समाजका अगुवालगायतले डा भट्टराईसँग अन्तरक्रिया गरे ।

उनीहरुले सशस्त्र युद्धकालमा भएको मानवीय तथा भौतिक क्षतिको दोषबाट नयाँ शक्ति उम्कन नहुने बताएका थिए । साथै पीडितको न्यायका लागि दायित्व लिनुपर्ने, सामाजिक तथा सांस्कृतिक समस्याका विषयलाई समेत जनसंवादको विषयवस्तुमा समेट्नुिर्ने राय दिएका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com