छात्रामाथि यौन दुर्व्यवहार गर्ने त्रिविका सहायक डिनलाई कालोमोसो दलियो
प्रकाशित मिति : फाल्गुन ८, २०७५ बुधबार
त्रिभुवन विश्वविद्यालयका शिक्षाशास्त्र संकायका सहायक डिन वबालाल साहलाई सत्ता पक्षका विद्यार्थी संगठनहरुले कालोमोसो दलेका छन् ।
एक जना छात्रालाई यौन दुर्व्यवहार गरेको भन्दै अखिल क्रान्तिकारी र अनेरास्वीयुका कार्यकर्ताहरूले सहायक डिन साहलाई बुधवार कालोमोसो दलेका हुन् । बुधवार शैक्षिक प्रमाणपत्रका लागि त्रिभुवन विश्वविद्यालयमा आइरहेको बेला सहायक डिन साहले ती छात्रालाई यौन दुर्व्यवहार गरेका थिए।
बर्दिया घर भएकी ती छात्राले शिक्षाशास्त्र संकायको डिन कार्यालयमा साह विरुद्ध उजुरी दिएकी छन्।
उजुरीमा जबरजस्ती गर्ने उद्देश्यले संवेदनशील अङ्ग छोएको उल्लेख छ।