नयाँ शक्तिका प्रदेश सभा सदस्य र गाउँपालिका प्रमुख कांग्रेसमा प्रवेश गर्दै, रसुवामा देउवाले स्वागत गर्ने
प्रकाशित मिति : फाल्गुन ६, २०७५ सोमबार
रसुवाबाट निर्वाचित प्रदेश सभा सांसद प्रेम तामाङ र आमा छोदिङमा गाउँपालिकाका प्रमुख बुचुङ तामाङ कांग्रेसमा प्रवेश गर्ने भएका छन्। दुवैजना गएको निर्वाचनमा नयाँ शक्तिबाट निर्वाचित भएका हुन्।
फागुन १३ गते जिल्लाको कालिकास्थानमा हुने कार्यक्रममा कांग्रेस सभापति शेरबहादुर देउवाले उनलाई पार्टीमा स्वागत गर्ने कांग्रेसबाट निर्वाचित प्रदेश सांसद प्रभात तामाङले जानकारी दिए।
कार्यक्रमलाई पार्टी सभापति शेरबहादुर देउवा सहमहामन्त्री डा प्रकाशशरण महत, पार्टी प्रवक्ता विश्वप्रकाश शर्मा, जिल्लाका सांसद मोहन आचार्य, सांसदहरु गगन थापा, बहादुरसिंह लामालगायतले कार्यक्रममा सम्बोधन गर्ने उनले जानकारी दिए।
रसुवामा प्रतिनिधि सभा र प्रदेश सभा निर्वाचनमा कांग्रेस र नयाँ शक्तिबीच रसुवामा तालमेल गरेको थियो। प्रतिनिधि सभामा कांग्रेसबाट मोहन आचार्य विजयी थिए भने प्रदेशमा नयाँ शक्तिका तामाङ र कांग्रेसका लामाले निर्वाचित भएका थिए।