नेपालगञ्ज महोत्सवमा युवा स्टार अनमोलको सेल्फी
प्रकाशित मिति : माघ २९, २०७५ मंगलबार
युवा स्टार अनमोल केसी यतिबेला फागुन १७ गतेदेखि प्रदर्शनमा आउने आफ्नो फिल्म ‘क्याप्टेन’ को प्रचार प्रसारमा व्यस्तत छन् । क्याप्टेन प्रचारका लागी अनमोल आइतबार नेपालगन्ज पुगेका थिए । जहाँ हजारौं दर्शकमाझ उनले आफ्नो फिल्मको प्रचार गरे ।
नेपालगन्जमा आयोजीत प्रथम प्रादेशीक औद्योगिक लघु, घरेलु तथा कृर्षि, प्रविधि, व्यापार एंव पर्यटक महोत्सव २०७५ खजुराका दर्शकमाझ अनमोल सहित क्याप्टेन निर्माण टिम पुगेको थियो । अनमोललाई नेपाल प्रहरी, सशत्र प्रहरी र रक्षक सेकुरेटी गार्ड कम्पनीका गार्डहरुको सुरक्षा व्यावस्थाका साथ अनमोललाई मञ्चमा उकालिएको थियो । महोत्सवमा अनमोल जाने मिति तय भएसँगै दर्शकले उनलाई महोत्सव स्थलमा लामो समयदेखि पर्खेर बसेका थिए । लामो प्रतिक्षा पश्चात अनमोललाई मञ्चमा पाएसँगै दर्शकले ताली, हुटिङले पुरै खजुराको माहोल तातेको थियो ।
महोत्सवको मञ्चमा अनमोल र दर्शबिच क्याप्टेनका विषयमा सवाल जवाफ समेत भएको थियो । यो सँगै दर्शकमाझ उनले क्याप्टेनको हिट गीत रहर छ सँगै बोलको गीतमा डान्सका केही स्टेप देखाएका थिए भने कृ को यति यति पानी गीत गाएका थिए । पहिलो पटक नेपालगन्ज पुगेका अनमोल दर्शकमाझ निकै छाए ।
उक्त महोत्सव समारोहमा सोमबार सदावहार अभिनेता भुवन केसी र अभिनेत्री निरुता सिंह सहभागी हुनेछन् । उनीहरुले पनि क्याप्टेन को प्रचार गर्नेछन् । भुवन, निरुता र अनमोल नाचेको गीत यसै साता रिलिज हुँदैछ । दिवाकर भट्टराई निर्देशित फिल्म ‘क्याप्टेन’ फुटबल खेल सम्बन्धी हो