रजनीकान्तकी छोरी दोस्रो विवाह गर्दै !
प्रकाशित मिति : माघ २२, २०७५ मंगलबार
भारतका सुपरस्टार भनिने रजनीकान्तकी छोरी सौन्दर्याले आफू नायक विशागन वनंगमुदीसँग विवाह गर्न लागेको सोमबार जानकारी दिएकी छिन् । उनी फेब्रुअरी ११ तारिखमा विवाह हुँदैछ । सौन्दर्याले ट्वीट गरिन्, ‘एक हप्ता बाँकी । दुलही मोड, विशागन वेड सौन्दर्या ।’
उनको विवाह रजनीकान्तको पोइस गार्डनस्थित घरमा हुनेछ जसमा विवाहको तयारी मज्जाले सुरु भइसकेको छ । एक वेबसाइटका अनुसार रजनीकान्तकी श्रीमती लताले तमिलनाडु पुलिसलाई चिट्ठी लेखेर घरबाहिर सुरक्षा बढाउने माग गरेकी छिन् । उनका अनुसार घर बाहिर ट्राफिक जामको स्थिती हुनसक्छ र फ्यानको ओइरो लाग्न सक्ने भएकाले पुलिसको सहयोग मागिएको हो । फेब्रअुरी १० देखि विवाहको कार्यक्रम सुरु हुनेछ, ११ फेब्रुअरीमा विवाह र त्यसपछि १२ मा रिसेप्सन ।
सौन्दर्याको दोस्रो विवाह हो । यसअघि सौन्दर्याको उद्योगपती रामकुमारसँग सन् २०१० मा विवाह भएको थियो र उनीहरुले सन् २०१६ मा सम्बन्धविच्छेद गरेका थिए । उनीहरुका वेद नामका एक छोरा छन् । ग्राफिक डिजाइनरको रुपमा आफ्नो करियर सुरु गर्ने सौन्दर्याले ‘बाबा, मजा, संदाकोझी र शिवाजी’ जस्ता फिल्ममा काम गरेका छन् । यस्तै विशागनले सन् २०१८ मा तमिल फिल्म वंजागर उलागममार्फत अभिनयको सुरुवात गरेका थिए ।