Follow @khasokhasmag

टेक्सासमा एचडिएनपीले १६ औ पटक घरबार बिहिनलाई फलाहार सहित खाना खुवायो 


प्रकाशित मिति : पुस १७, २०७३ आईतबार

विजय थापा ,वाशिंगटन डीसी 
 
अमेरिकाको टेक्सासको आर्लिंगटनमा सन् २०१२ नेपाली द्वारा स्थापना भएको हेल्प फर डेस्पेरेट एण्ड निड़ी पिपुल अन्तर्राष्ट्रियले टेक्सास राज्यको फोर्थवर्थ डलसमा गत आइतबार दिसम्बर ३१ तारिख युनिटी पार्कमा घरबार बिहिन ,अशक्त तथा मागेर जीविका चलाउने मानिसहरुलाई फलाहार सहित भोजन गराएको छ ।
 
झन्डै चार सय जनालाई फलाहार ,स्वास्थ्य, स्वादिस्ट खाना तथा अन्य पौष्टिक आहार आदि खुवाएको छ । एचडीएनपी इन्टरनेसनल उनीहरुको लागि स्वास्थ्य, शिक्षा र जीविको पार्जन गर्ने देखि लिएर उनीहरुलाई सशक्तिकरण गर्ने काम पनि गरि रहेको छ ।
 
हरेक ३ महिनामा यस्ता अशक्त, घरबार बिहिन तथा मागेर जिविको पार्जन गर्नेलाई खुवाउने अन्तर्गत २०१६ को अन्तिम दिन दिसम्बर ३१ तारिख सामूहिक भोजन गराईएको संस्थाका अध्यक्ष देवी डेविड आचार्यले बताए ।
 
हरेक त्रैमासिक रुपमा खाना खुवाउन पर्ने र यस्को लागि अर्थ पनि संकलन गर्नु पर्ने भएकोले प्रायोजन गर्न ईक्षा राख्ने सबैमा अनुरोध समेत आचार्यले गरेका छन् l संस्थाले नेपालको पशुपतिनाथमा घरवार बिहीन,मागेर हिड्ने तथा आफ्ना सन्तानबाट तिरस्कृत भएका बृद्धहरुलाई समेत बिशेष सहयोग प्रदान गर्दै आएको छ ।
 
यसको अतिरिक्त एचडीएनपी इन्टरनेसनलले उनीहरुको स्वास्थ्य उपचार तथा लुगा कपडाहरु समेत उपलब्ध गराउदै आएको छ l  हेल्प फर डेस्पेरेट एण्ड निड़ी पिपुल अन्तर्राष्ट्रिय (एचडीएनपी इन्टरनेसनल) अमेरिकी सरकारको मुनाफा रहित सामाजिक संस्थामा दर्ता भएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com