अमेरिकाको स्वामिनारायण मन्दिरमा तोडफोड र जिससका नारा, एकजना पक्राउ
प्रकाशित मिति : माघ १८, २०७५ शुक्रबार
अमेरिकाको केन्टकीमा रहेको एउटा हिन्दु मन्दिरमा तोडफोड गर्ने र जिससका नारा लेख्ने १७ बर्षका श्वेत अमेरिकनलाई प्रहरीले पक्राउ गरेको छ । केन्टकीको लुइभिलमा रहेको स्वामिनारायण हिन्दु मन्दिरको ढोका तोडफोड गर्नुका साथै भित्तामा जिससका नारा लेखिएको थियो ।
मन्दिरको भित्तामा कालो अक्षरमा घृणाले भरिएका धार्मिक शब्दहरु पोतिनुका साथै कालो क्रस बनाइएको थियो । कुर्सीमा छुरा हानिएको थियो भने कैयन ढोकाहरु तोडफोड गरिएको जनाइएको छ ।
मन्दिरमा भगवानका पोष्टरमा समेत कालो पोतिएको जनाइएको छ । मन्दिर प्रशासनले हिन्दु मन्दिरमा भएको यस्तो घृणित कार्यको निन्दा गरेको छ ।
मन्दिरमा घृणा फैलाउने काममा संलग्न भएको अभियोगमा १७ बर्षीय पुरुष पक्राउ परेको र ऊ बिरुद्ध पहिलो डिग्री आपराधिक कार्य र तेश्रो डिग्री डँकैतीको अभियोग लगाइएको छ । उसले एक्लै उक्त कार्य गरेको विश्वास गरिएको छ ।
खसोखास भिडियो