सुन्दा अचम्म तर, सत्य : अमेरिकामा दुई आमाको कोखबाट एउटा बच्चा !

दुई आमाको कोखबाट एउटा बच्चा ! सुन्दा अचम्म लाग्न सक्छ । अमेरिकामा समलिंगी जोडीले बच्चा दुईवटा कोखमा पालैपालो राखेर जन्म दिएका छन् । पत्याउनु भएन, यो हेर्नुहोस् । अमेरिकामा समलिंगी जोडी अन्ततः दुईवटा कोखमा एउटै बच्चा पालैपालो राखेर जन्म दिने विश्वकै पहिलो जोडी बनेका छन् । बच्चा दुईजना आमाको गर्भमा हुर्किएको पहिलो बन्न सफल भएको छ ।

समलिंगी जोडीले आफ्नो पहिलो बच्चालाई जन्म दिनका लागि आइभिएफ प्रविधिको सहयोग लिएका थिए । ६ वर्षसम्म डेट गरेपश्चात् एश्ले र ब्लिस कल्टर नामका ती दुई समलिंगी महिलाले सन् २०१५ मा बिहे गरे ।

दुबैजनाले बच्चा जन्माएर आमा बन्न चाहन्थे । तर लेस्बियन भएका कारण उनीहरुले प्राकृतिक तवरले गर्भाधारण गर्न सक्दैनथे । त्यसपछि उनीहरुले टेस्टट्युब बेबी प्रविधिको सहयोग लिए । ब्लिसको गर्भाशयबाट अण्ड कोष निकालियो र फर्टिलाइजेसन सेन्टरबाट लिइएको शुक्रकिट सँग मिलान गराई फर्टिलाइजेसन गरियो ।

भ्रुण तयार भएसँगै त्यसलाई ब्लिसको पाठेघरमा प्रत्यारोपण गरियो । केही समयपछि उक्त भ्रुणलाई ब्लिसको गर्भबाट निकालियो र २८ वर्षकी एश्लेको पाठेघरभित्र स्थानान्तरण गरियो । अन्ततः गत जून महिनामा एश्लेले एक छोरा जन्माइन् । त्यस बच्चाको नाम स्टेटसन राखिएको छ । स्टेटसन दुई आमाको गर्भमा हुर्किने दुनियाको पहिलो बच्चा बनेका छन् ।

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

प्रबन्ध निर्देशक : ...
सम्पादक : ...

Contact Us

सूचना विभागमा दर्ता नं. : 2075/..

© 2018 All Right Reserved
DEVELOPED BY appharu.com
WP2Social Auto Publish Powered By : XYZScripts.com