युवा ज्योतिष हरीहर फिल्ममा !
प्रकाशित मिति : माघ १२, २०७५ शनिबार
युवा ज्योतिष हरीहर अधिकारीले फिल्म ‘शुभ लभ’ खेलेका छन् । फिल्म खेलेसँगै हरिहर यतिबेला उनी एक प्रश्नले घेरिएका छन् । ज्योतिष ज्ञानले पोख्त मान्छे फिल्ममा किन ? सोमबार फिल्मको शिर्ष गीत रिलिज कार्यक्रमा पनि यही प्रश्न उठाइयो ।
उनले थप्दै भने, ‘यदि तपाई कुनै कुरामा डराउनु भयो भने अड्किनु भयो भने दिमाग त्यहि रोकिन्छ । मानसिक रोकको सिकार हुने सम्भावना बढि हुन्छ । त्यसैले आफुले गर्न सके जति काम गर्दा केहि फरक पर्दैन ।’ साथै उनले फिल्ममा अभिनय गर्दा आफ्नो पेसामा असर नपर्ने बताए ।
हरिहरले फिल्ममा समेत ज्योतिषको भूमिका निभाएका छन् । पेसासँग मेलखाने फिल्म भएको हुदाँ दर्शकहरुले नकरात्मक रुपमा नलिने कुरामा ढुक्क छन् । उनलाई ‘ए मेरो हजुर २’ फिल्ममा लिड रोल अफर गरिएको थियो । उनले फिल्म छाडेपछि लिड रोलमा नवनायक सलिनमान बँनिया देखिए ।
उनले फिल्म छाडनुको कारण समेत खुलाए । उनले भने, ए मेरो हजुर २ लभ स्टोरी फिल्म हो । उहाँहरुले फिल्म गर भन्नु भएको थियो । मैंले परिवार र नजिकको इष्टमित्रसँग कुरा गर्दा यस्तो खाल्को फिल्म दुई तीन वटा फिल्म पछि फिट हुन्छ । पहिलो फिल्म पेसासँग मेलखाने गर्याे भने सजिलो हुन्छ भनेर सहमतिमै फिल्म छाडेको हो ।’
फिल्ममा दमदार लभ स्टोरी रहेको अधिकारीले बताए । उनले भने, ‘फिल्ममा भयानक लभ लाइफ छ । फिल्ममा जस्तो मेरो जिवनमा छैन । यो फिल्मले दुई घन्टा १५ मिनेट दर्शकलाई मनोरञ्जन दिन्छ ।’ शुभ लभको कथा अभिनेता अधिकारीले नै तयार पारेका हुन । यसै फिल्मबाट क्रिस्टिन पौडेल डेब्यु गर्दैछिन् । फिल्म चैत १५ गते देखि रिलिज हुँदैछ ।