टीपीएस बचाउन अधिकारको अभियान, यसरी गर्नुहोस् हस्ताक्षर
प्रकाशित मिति : माघ ९, २०७५ बुधबार
अमेरिकामा बस्ने नेपालीहरुलाई अमेरिकी सरकारले प्रदान गरेको टीपीएस सुविधा आगामी जुनमा सकिदै गरेको अवस्थामा टीपीएस बचाउनका लागि आप्रवासीको अधिकारका लागि कृयाशिल संस्था ‘अधिकार’ सकृयताका साथ लागेको छ । नेपालीको टीपीएस अवधि थप गराउनका लागि अमेरिकी सांसदहरुलाई दवाव सृजना गर्नेदेखि सरकारलाई घच्घचाउनेसम्मका गतिविधिमा लागिरहेको ‘अधिकार’ले न्युयोर्कका सांसदहरुलाई दवाव सृजनाका लागि हस्ताक्षर गर्न सबैलाई आब्हान गरेको छ ।
न्युयोर्कमा रहेका संस्थाहरुलाई हस्ताक्षरका लागि आब्हान गर्दै अहिलेको जटिल अवस्थामा बिभिन्न प्रगतिशील संस्थाहरु मिलेर टीपीएस बचाउन धेरै क्रियाकलापहरु गरिरहेको ‘अधिकार’ले जनाएको छ । न्युयोर्क कंग्रेसनल नेताहरुलाई टीपीएस, डीईडी र ड्रिमरहरुलाई बचाउन दृढ रहन र बोल्नको लागि हस्ताक्षरको आब्हान गरिएको छ ।
संस्थाले मात्र गर्न सकिने उक्त हस्ताक्षरको अन्तिम दिन आगामी जनवरी २९ सम्म मात्र रहेको छ । यो हस्ताक्षर अभियानले न्युयोर्कमा रहेका प्रतिनिधिसभा सदस्यहरुलाई अमेरिकी संसदको चालु सेसनमा टीपीएस, ड्रिम एक्ट लगायतका विषयमा दवाव पुग्ने विश्वास गरिएको छ ।
अधिकारको पहलमा नेपालको टीपीएस थप गराउन अदालतमा मुद्दा दायर गराउने तयारी समेत भइरहेको छ । सुडान, एलसाल्भाडोर, हैटी र निकारागुवाको टीपीएस अदालती आदेशका कारण खारेज हुनबाट बचेको छ ।