प्रदेश प्रमुख नै कालोसूचीमा !
प्रकाशित मिति : माघ १, २०७५ मंगलबार
तीन दशकअघि लिएको ऋण चुक्ता नगरेपछि सुदूरपश्चिम प्रदेशका प्रदेश प्रमुख गभर्नर मोहनराज मल्ल कालोसूचीमा परेको खुलेको छ ।
नेपाल बैंक लिमिटेडका अनुसार मल्ल समूहले २०४१–०४२ सालमा बैंकबाट लिएको ९८ लाख ५३ हजार रुपैयाँ भुक्तानी नगरेपछि कालोसूचीमा राखिएको छ ।
ऋण लिएको तीन वर्षपछिबाट यो समूहले साँवाब्याज केही पनि भुक्तानी नगरेपछि २०४७ कात्तिक ३० देखि कालोसूचीमा राखिएको हो ।
कालोसूचीमा परेको व्यक्ति प्रदेश प्रमुख बन्न नपाउने संवैधानिक व्यवस्था भएको हुँदा मल्ल अयोग्य भएको संविधानविद्को भनाइ छ ।