अमेरिकामा अध्ययनरत भूकम्पपीडित नेपाली विद्यार्थीलाई २०१८ जुनसम्म सुविधा

प्रकाशित मिति : पुस १२, २०७३ मंगलबार

अमेरिकामा अध्ययनरत भूकम्पपीडित नेपाली विद्यार्थीहरुलाई अमेरिकी सरकारले सन् २०१८ को जुनमहिनासम्मका लागि विशेष सहुलियत प्रदान गरेको छ ।

सन् २०१५ को अप्रिल २५ मा नेपालमा गएको भूकम्पबाट प्रत्यक्ष प्रभावित भएर आर्थिक समस्या भोगिरहेका नेपाली विद्यार्थीहरुलाई सन् २०१८ को जुनमहिनासम्म अमेरिकामा काम गर्न पाउने गरी वर्क परमिट प्रदान गर्ने सुविधामा अमेरिकी सरकारको डिपार्टमेन्ट अफ होमल्याण्ड सेक्युरिटीका सेक्रेटरी जेह जोन्सनले हस्ताक्षर गरेका हुन् ।

यसअगाडि यो सुविधा सन् २०१६ को डिसेम्बर २४ मा समाप्त भइसकेकोमा अमेरिकी सरकारले डिसेम्बर २७ मा सुचना जारी गरी यो सुविधा १८ महिनाका लागि थपिएको जनाएको छ । यो सुविधा सन् २०१६ को डिसेम्बर २७ देखि नै लागु भइसकेको छ ।

यसबारे आज प्रकाशित सुचना हेर्न यहाँ क्लिक गर्नुहोला । 

यो सुविधा अन्तरगत भूकम्प प्रभावित अमेरिकामा अध्ययनरत नेपाली विद्यार्थीहरुले अन्य विद्यार्थीको तुलनामा कलेज संचालनको अवधिमा समेत धेरै घण्टा काम गर्न पाउनेगरी वर्क परमिटका लागि आवेदन दिनसक्ने जनाइएको छ ।

तर उनीहरुले वर्क परमिट प्राप्त गरेको अवधिमा पनि काम गर्दै आफ्नो विद्यार्थी भिसाको स्टेटस भने जोगाइराख्नुपर्नेछ । जस अन्तरगत अण्डरग्रयाजुअट विद्यार्थीहरुले प्रत्येक सेमेस्टरमा ६ क्रेडिट आवर र ग्रयाजुअट विद्यार्थीहरुले प्रत्येक सेमेस्टरमा ३ क्रेडिट आवर भने अनिवार्य पुराउनुपर्नेछ ।

अतिरिक्त घण्टा काम गर्न पाउनेगरी वर्क परमिटको सुविधा प्राप्त गर्नका लागि विद्यार्थी नेपाली नागरिक हुनुपर्ने, अप्रिल २५ , २०१५ देखि कानुनी रुपमा अमेरिकामा बसोबास गरिरहेको हुनुपर्ने, विद्यार्थी भिसा कायम राखेको हुनुपर्ने र नेपालमा गएको भूकम्पबाट आर्थिक समस्यामा परेको हुनुपर्ने लगायतका शर्तहरु रहेका छन् ।

यो सुचना एलिमेन्टरी स्कुल, मिडल स्कुल र हाइस्कुलका नेपाली विद्यार्थीहरुका हकमा समेत लागु हुने जनाइएको छ । तर उनीहरुका हकमा र कलेजका विद्यार्थीहरुका हकमा फरक तरिकाले लागु हुनेछ । कलेज र विद्यालय सारेका विद्यार्थीहरुका लागि समेत यो सुविधा प्राप्त हुने जनाइएको छ ।

भूकम्पपछिको नेपालको अवस्थामा उल्लेख्य सुधार नआएका कारण भूकम्पप्रभावित अमेरिकामा रहेका नेपाली विद्यार्थीलाई सहज अवस्था सृजना यो सुविधा थपिएको अमेरिकी सरकारले जनाएको छ । अमेरिकाले नेपाललाई निरन्तर सहयोग गर्ने प्रतिबद्धता जनाएकाले भूकम्पप्रभावित अमेरिकामा अध्ययनरत नेपाली विद्यार्थीका लागि वर्क परमिट प्रदान गर्ने सुविधा थपेको डिपार्टमेन्ट अफ होमल्याण्ड सेक्युरिटीले जनाएको छ ।

यसबारेमा थप जानकारी चाहिएमा अमेरिकी सरकारको इमिग्रेशन एण्ड कस्टम इन्फोर्समेन्ट अन्तरगत स्टुडेण्ट एण्ड एक्सचेन्च भिजिटर प्रोग्रामका डाइरेक्टर लुइस फारेललाई फोन नम्बर ७०३ -६०३ – ३४०० मा सम्पर्क गर्न सकिनेछ ।

यसबारेका अन्य नियम भने गतबर्ष जारी सुचना अनुशार नै हुने जनाइएको छ । अन्य नियमहरु हेर्न यहाँ क्लिक गर्नुहोला । 

तस्विरमा : युएससीआईएसले तयार गरेको वर्क परमिटको नमुना ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com