नेपालका फेशन मोडलका लागि अमेरिका आउन तीन प्रकारका भिसा उपलब्ध

खसोखास अमेरिका ब्यूरो

---

प्रकाशित मिति : मंसिर २१, २०७५ शुक्रबार

के तपाई मोडलिङ क्षेत्रमा हुनुहुन्छ ? के तपाईको अमेरिकामा हुने फेशन शोहरुमा सहभागी हुने सपना रहेको छ ? फेसन उद्योगका मोडलहरुका लागि अमेरिका आउनका लागि तीन प्रकारका भिसाहरु उपलब्ध रहेका छन् । जुन भिसाबाट नेपाली मोडलहरु पनि अमेरिका आउन सक्नेछन् ।

नेपाली मोडलिङ उद्योगमा युवायुवतीहरुको आकर्षण बढिरहेको अवस्थामा उनीहरु अमेरिका आउन चाहेको खण्डमा तीन प्रकारका भिसाहरु प्रयोग गर्न सक्नेछन् ।

फेशन उद्योगमा रहेका मोडलहरुका लागि अमेरिकी सरकारले तीनबर्षसम्म अमेरिकाका बसेर काम गर्न मिल्ने एचवान बीथ्री भिसा उपलब्ध गराउँदै आएको छ । त्यसका लागि एउटैमात्र योग्यता भनेको चर्चित मोडल हुन जरुरी छ ।

यो भिसामा आउनका लागि अमेरिका आउन चाहने मोडलका लागि अमेरिकामा रहेको स्पोन्सर कम्पनीले आवेदन दिनुपर्छ , जसमा कामदार भिसाको ६५ हजारको कोटा लागु हुन्छ । अब यो भिसाका लागि विद्युतीय आवेदन दिनसकिने प्रावधान ल्याउन लागिएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

कहिलेदेखि आवेदन भर्न सकिने भन्नेबारे युएससीआईएसले सुचना जारी गर्नेछ । जनवरीको अन्त्यतिर यस्तो सुचना जारी हुनसक्ने जनाइएको छ । विगतका बर्षहरुमा कागजी आवेदन भने अप्रिल १ देखि खुलाउने गरिन्थ्यो । यो भिसामा मोडल ल्याउनका लागि स्पोन्सर कम्पनीले लेबर सर्टिफिकेट प्राप्त गरेको हुनुपर्छ ।

यसबारे थप जानकारीका लागि यहाँ क्लिक गर्नुहोला ।

त्यस्तै मोडलहरु अमेरिका आउनसक्ने अर्को भिसा हो, ओ वान बी भिसा । आफ्नो फिल्डमा अति दक्ष रहेको देखाउन सकेमा यो भिसा प्राप्त गर्न सकिन्छ । यो भिसाका लागि अमेरिकी रोजगारदाता वा अमेरिकामा रहेका एजेन्टले आवेदन दिनसक्छन् । सुरुमा तीनबर्षसम्मका लागि दिइने यो भिसाको अवधि एकबर्षसम्म थप्न सकिन्छ । यो भिसाका लागि कुनै पनि वेला आवेदन दिन सकिन्छ भने यो भिसामा कुनै कोटा पनि लागु गरिएको छैन । तर अमेरिका आउन चाहेको मितिले एकबर्षदेखि ४५ दिनभित्र यो भिसाका लागि आवेदन दिनुपर्छ । यो भिसाका लागि स्पोन्सरले फर्म आई १२९ फर्म भरेर युएससीआईएसमा आवेदन दिन जरुरी छ ।

यसबारे थप जानकारीका लागि यहाँ क्लिक गर्नुहोला ।

त्यस्तै कुनै कार्यक्रममा सहभागी हुनका लागि मोडलहरु पी थ्री भिसामा पनि अमेरिकामा आउनसक्छन् । त्यसका लागि कार्यक्रम आयोजकले युएससीआईएसमा फाइल गर्नुपर्छ । अन्य भिसाको तुलनामा पी थ्री भिसा पाउन केही सहज हुने भएपनि पी थ्री भिसाको अवधि पनि अलिक कम हुनेगर्छ ।

यसबारे थप जानकारीका लागि यहाँ क्लिक गर्नुहोला ।

थप जानकारी आवश्यक परेमा तपाईले कानुन व्यवसायीलाई सम्पर्क गर्न सक्नुहुनेछ । अमेरिकामा रहेका नेपाली कानुन व्यवसायीलाई सम्पर्क गर्नका लागि तलको लिंकमा क्लिक गर्नुहोला ।

तपाईलाई अमेरिकामा कानुन व्यवसायी वा पारालिगलसँग सम्पर्क गर्नुपर्ने छ ? क्लिक गर्नुहोस् ।