एकान्तकुनामा मोटरसाइकल दुर्घटना, ‘ड्युटी’ मै रहेका ट्राफिक प्रहरीको मृत्यु
प्रकाशित मिति : मंसिर १७, २०७५ सोमबार
ललितपुरको एकान्तकुनामा मोटरसाइकल दुर्घटना हुँदा ‘ड्युटी’ मै रहेका एकजना ट्राफिक प्रहरीको मृत्यु भएको छ । दुर्घटनामा महानगरीय ट्राफिक प्रहरी वृत्त कालिमाटीमा कार्यरत प्रहरी जवान सुमनप्रसाद कँडेलको मृत्यु भएको हो । महानगरीय ट्राफिक प्रहरी महाशाखाका एसएसपी वसन्त पन्तका अनुसार कँडेलले चलाएको बा ९४ प ६१९७ नम्बरको मोटरसाइकल गएराति साढे ९ बजे एकान्तकुनामा दुर्घटना भएको थियो । कँडेललाई सडकमै लडिरहेको अवस्थामा बा. १६ च. ६८०२ नम्बरको कार चालकले अल्का अस्पताल जावलाखेल पुर्याएका थिए ।
उपचारका क्रममा कँडेलको मृत्यु भएको थियो । एसएसपी पन्तले भने, “कार चालकले अल्का पुर्याएर गएपछि उनी फेरि हेर्न आए । यसबाट उनैले ठक्कर दिएको त होइन भन्ने आशंका लागेर नियन्त्रणमा लिएका छौं । दुर्घटनाबारे अनुसन्धान भइरहेको महानगरीय ट्राफिक प्रहरी महाशाखाले जनाएको छ ।