धनकुटाकी बन्दनाले राखिन् नाचेर विश्व रेकर्ड, तोडिन भारतको रेकर्ड
प्रकाशित मिति : मंसिर १३, २०७५ बिहीबार
नेपालमा हरेक क्षेत्रमा विश्व रेकर्ड राख्नेहरुको लाम पछिल्लो समय बढेर गएको छ । यस्तैमा कला र संगीत क्षेत्रको लागि विशेषगरि खुशिको खबर सार्बजनिक भएको छ । केही समय अघि नाचेर विश्व रेकर्ड राख्ने घोषणा गरेकी बन्दना नेपालले अन्ततः आज मंसिर १२ गते विश्व रेकर्ड कायम गरेकी छिन् । सबैभन्दा लामो समय अर्थात १२६ घण्टा निरन्तर नाचेर उनले गिनिज बुकमा नाम लेखाएकी हुन ।
मंसिर ७ गते ९ बजेदेखि काठमाडौस्थित विग फूडल्याण्डमा आफनो नृत्यको यात्रा शुभारम्भ गरेकी बन्दनाले भारतको रेर्कडलाई आजबाट तोडेकी हुन । उनले आज बुधबार १२ बजेर १६ मिनेटमा तोडेको भारतको रेकर्ड सन् २०१६ मा केरला, भारतकी कलामण्डलम हेमलथाले लगातार १२३ घण्टा १५ मिनेट शास्त्रीय नृत्य गरेर सुरक्षीत गरेकी थिइन् ।
अब गिनिज बुकमा सबैभन्दा बढी नृत्य गर्ने ब्यक्तिको खोजी गर्दा नेपाली चेली बन्दनाको नाम आउने निश्चित भएको छ । हरेक घन्टाको ५ मिनेट बन्दनाको लागि सौचालय र पानी खानको लागि समय ब्रेक गरिएको थियो भने उनको उत्साह र र कामलाई हौसला दिनको लागि विभिन्न कलाकारको पनि कार्यक्रममा बाक्लो उपस्थिति रहेको थियो । निर्णायक पनि राखिएको सो कार्यक्रममा बन्दनाको नृत्यलाई ३ ओटा क्यामेराले कैद गरिएको थियो ।