Follow @khasokhasmag

डुबेका किशोरको शव चार दिनपछि भेटियो, कृतिम तालमा एक वर्षमा पाँचको मृत्य


प्रकाशित मिति : मंसिर १३, २०७५ बिहीबार

घोराही उपमहानगरपालिका १७ गुलरियास्थित कृतिम तालमा आइतबार अपरान्ह डुबेका घोराही १५ का १८ वर्षीय लक्ष्मण डिसीको शव बुधबार विहान फेला परेको छ ।

नजिकै रहेको खेलकूद मैदानमा साथीहरुसँग क्रिकेट खेलेर कृतिम तालमा पौडी खेल्न गएका डिसी आइतबार अपरान्ह डुबेका थिए । लगातार चार दिनको खोजीपछि उनको शव फेला परेको हो ।

आइतबार रातीदेखि निरन्तर तालको चारैतिर पम्पसेट राखेर पानी फालिएपछि डाँगीको शव भेटिएको हो । लामो समयसम्म पनि शव भेटाउन नसकेपछि चितवनको कुरिनटारबाट गोताखोर मगाइएको थियो । धमिलो पानी र हिलो भएका कारण गोताखोरले पनि समयमै शव भेटाउन सकेका थिएनन् ।

डाँगी घोराहीस्थित गोर्खा माविमा कक्षा १२ मा अध्ययनरत थिए । घोराही उपमहानगरपालिकाले चिस्यान बढाउन, सिचाई गर्न र पर्यटन प्रर्वद्धन गर्न बिभिन्न ६ ठाउँमा कृतिम तालहरु निर्माण गरेको छ । तालहरु खुला हुँदा जोखिम बढेको छ ।

बिभिन्न कृतिम तालमा डुबेर एक वर्षमा पाँच जनाको ज्यान गैसकेको छ । अब तालको तारबार गर्ने योजना बनाएको उपमहानगरपालिका प्रमुख नरुलाल चौधरीले बताएका छन् ।

तालमा डुबेका किशोरको खोजीमा खटेका मानिसहरु । तस्बिर : दुर्गालाल केसी/कान्तिपुर ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com