गरिबीमाथि फुलेको फूल: नेपाल आइडलका एक अब्बल प्रतिस्पर्धि रवि अोड
प्रकाशित मिति : मंसिर १३, २०७५ बिहीबार
भौगोलिक रुपमा देशको राजधानीबाट दूर रहेको शुदुरपस्चिम सधै राज्यबाट उपेक्षित रुपमा हेरियो । बिकास निर्माण लगायतका समयसापेक्षित कुराहरुबाट पनि पिछडिएको यो क्षेत्र सधै राजधानीबाट दूर दूर लागिरह्यो र अझै कतिन्जेल लागिरहने छ । यो एउटा सिलसिला जस्तै बनिसक्यो ।भाषा , कला र साहित्यकाे समिश्रणले छुट्टै छ यहाँकाे पहिचान । छुट्टै छ यस्काे मुल्य र मान्यता । देउडाकाे लयसङ्गै साउति मार्ने सुदूरकाे माटो अपि र शैपालसंगै मुस्कुराउछ । सेति र महाकालीसंगै बगाउछ दुखका बिसाल पहाडहरु । कर्णालीसंगै दुखेर साट्छ दुखको अाधा ब्रहमाण्ड । तरपनि यो क्षेत्र अझै उपेक्षित छ राज्यको नजरबाट । खप्तड, रामाराेशनमा गुन्जीने ठाडिभाखा, खुसिकाे बहार बोकेर ल्याउने हुड्केउली, थकानकाे चौतारी बनिदिने पुतला, इतिहासकाे स्मरण गराउने भुवाे यो देशले कहिल्यै चिनेन ।
नेपाल अाइडल, रवि अाेड र देउडा
नेपाली गितसंगितको चर्चित र ठुलाे रियालीटी साेमा अक्सर नेपाली भाषाकै गितहरू गुन्जिन्छन । नेपाल अाइडल नेपाली गित संगित, गायक र नवगायकहरुलाई स्थापित गराउने र उनिहरुकाे पहिचानलाई उजागर गर्न सघाउने कार्यक्रम बनिरहेकाे छ । जहाँ हरेक किसिमका नेपाली गितहरु गुन्जिने गरेकाछन ।त्यहि रियालीटि साे मा अाफ्नाे गायनको जादु देखाउदै टप ६ मा पुगेका प्रतिस्पर्धीहरू मध्यको एउटा नाम हो रवि अोड । सामान्य परिवारमा जन्मिएर हुर्किएका रविको अहिलेको अवस्था पनि सामान्य छ ।उनको समग्र परिवेश सामान्य भएपनि उनि भित्रको गायन कला भने असामान्य रहेको छ । सबै किसिमका गितलाई न्यायपुर्ण तरिकाले प्रस्तुत गर्नसक्ने रवि नेपाल अाइडलको धनगढी अडिसन हुदै टप ६ सम्म पुगेका छन । याे यात्रा तय गर्ने क्रममा उनले धेरै गितहरु गाए, धेरैकाे मनपनि जिते र धेरैको माया समेत पाइरहेका छन् ।
रवि अाेडको नेपाल अाइडलकाे यात्रा अन्य प्रतिस्पर्धीको जस्तै हाे । तर उनले त्याे स्टेजमा पुगेर अन्य प्रतिस्पर्धीले जस्तै गितमात्रै गाएनन् । देशको नजरबाट दूर रहेको सुदूरकाे देउडालाई गुन्जाए । जसकाे गुन्जयमान देश बिदेमा रहेका रहेक गितसंगित पारखीसम्म पुग्यो । देउडाले त्यति ठुलाे स्टेजबाट बोल्यो : “हामीलाई दूरकाे नजरले नहेर्नुस हामी यहि देउकाे एउटा कुनामा गुन्जिने भाका हौं”रविले ‘झुपा तम्राई मायाले’ गित गाइरहदा देउडाले यो देशलाई प्रेमले सम्बोधन गरिरहेको थियो । सुदूरबाट नेपाली गितसंगितलाई प्रेम गरिरहेका रविलाई अब सबै नेपालीले माया गर्नेबेला अाएको छ । उनलाई याे यात्रामा अझै माथि पुर्याउने बेला अाएकाे छ । अाउनुस यो यात्रामा रविलाई यात्रि बनाएर पठाअौं ।
काे हुन रवि अाेड ?
कन्चनपुर जिल्लाकाे कृष्णपुर नगरपालीका गुलरियामा बुवा राजेन्द्र अाेड र अामा उमा अाेडकाे काेखबाट २०५४ साल चैत्र महिनामा जन्मिएका रवि अामा बुवाकाे तेस्राे सन्तान हुन । मुख्य अायश्राेत र राेजिराेटिकाे अाधार भारतकाे ‘वाचम्यान’काे जिन्दगी बाँचिरहेका उनका बाज्या र बुवाले अछामबाट बसाइ सरेर कंचनपुर गएका थिए । उनकाे पुर्ख्याैली थलाे साविककाे अछाम बुढाकाेट गाविस हाे भने हाल साँफेबगर नगरपालीकामा पर्दछ । बाज्या र बुबाले अछाम छाेडेर कन्चनपुर गएपछि उतै जन्मिएका उनि अछाम पुगेका छैनन तर उनि भित्र अाफ्नाे पुर्ख्याैली थलाेमा पुग्ने अधुराे रहर भनै अझै जिवितै छ । लाेटस अाइ स्कुलमा १२ मा अध्यनरत रविलाइ संगितकाे रसले छाेइरहेकाे छ । बाध्यता गरिवीकाे जिन्दगीले पिल्सिएका रविका बुढा बुवा अहिले पनि भारतमा ‘वाचम्यानकाे’ काम गरिरहेका छन । उनि अाफै पनि भारतमा गएर काम गरेकाे स्मरण गर्छन । “केहि महिना भारतमा काम गरेँ तर बुवाले जति दुख हर्नुछ मुइ हरूला तु नेपालमा गैकन राम्ररी पढ” भनेपछि उनि नेपालमै फर्किएर पढ्न थाले । उनका बुवा चाहान्थे कि जुन दुख अाफुले भाेगिरहेकाे छु त्याे मेरा सन्तानले भाेग्न नपराेस, जसरी अाफुले अर्काकाे देशमा पसिना बगाइरेकाे छु त्यसरि मेरा सन्तानकाे रगत र पसिना अाफ्नै देशमा बगाेस…..
सामान्य परिवारमा जन्मिएका उनी आफ्ना बाज्याकाे प्रेरणाबाट गीत संगितमा लागेकाे बताउछँन् । बाज्याले अछामी माैलीक गितहरू गाउने गरेकाे उनि बताउछन । बाज्याले गाएकाे सुदूरपस्चिमेली देउडा र ठाडिभाका सुन्दा सुन्दै उनलाइ नेपाली गित संगितकाे मात चढ्याे । उनकाे अावाज बुढिगंगा जस्तै कलकल कलकल अाफ्नै गतिमा बगिरहन्छ । तर जब उनि पप लगाएत अन्य हाइ रेन्जकाे गित गाउछन उनकाे अावाज बुढिगंगा जस्तै रहदैन एक्कासी बढ्ने छिपेखाेलकाे रफ्तार र लयमा बग्न थाल्छ । यतिमात्र हाेइन उनि खप्तड रामाराेशन जस्तै सुन्दर गित ठाडिभाका समेत गाउन सक्छन । खप्तड, रामाराेशनकाे काखका रहेका उनि खप्तड, रामाराेशनजस्तै राज्यकाे नजरबाट टाढा रहन चाहादैनन । अाफ्नाे हुनर सबै नेपालीलाइ देखाउन चाहान्छन । अहिले मेराे गित संगितकाे प्रेरक बाज्या र मलाइ जन्माउने अामा मसंग छैनन । यदि उनिसंगै भइदिएकाे भए याे खुसि सुरुमा उहाँहरूसंगै साट्ने थिएँ : उनि भन्छन
प्रदेश ७ बाट नेपाल अाइडलकाे स्टेजमा उभिएका अन्य सबै प्रतियोगी बाहिरिएका छन् । धनगढी अडिसनबाट उक्त रियालिटी सो मा सहभागीता जनाएका रवि भने अाफुले अझै राम्राे गर्ने बिश्वास देखाछन । धनगढीको दोहोरी साँझमा गित गाएर करिब चार वर्ष अघीबाट मात्रै उनि संगीतमा सक्रिय भएर लागेका हुन् । जस्ताे सुकै गित गाउन मन पराउने उनलाइ नेपाली संगित क्षेत्रमा शिव परियार, सुगम पोख्रेल र हेमन्त रानाका गीतहरु बढी मन पर्छन्। अाफ्नाे साधना र लगनसिलताले टप ६ मा अटाएका उनले अबकाे बाँकि यात्रामा सबैकाे आशिर्बाद, माया र सहयाेगकाे अपेक्षा गरेकाे बताउछन ।