नेपाली संघीय समाज अमेरीकाबाट शुभकामना आदानप्रदान र चियापान
प्रकाशित मिति : कार्तिक २९, २०७५ बिहीबार
न्युयोर्कमा नेपाली संघीय समाज अमेरीकाले शुभकामना आदानप्रदान तथा चियापान कार्यक्रम गरेको छ ।नेफेसो अध्यक्ष समिर महर्जन को अध्यक्षतामा सम्पन्न कार्यक्रममा जनजाती आन्दोलनका अगुवा आदारणीय व्यक्तित्व स्व पद्मरत्न तुलाधारको योगदानको चर्चा गर्दै उहाको सम्मान मा एक मिनेट मौन धारण गरिएको थियो ।
नेपालीहरूको माहान चाडपर्वहरू , दशै , तिहाररवलिहङ तङनाम , छठ , नेपाल सम्बत को अवसर मा शुभकामना तथा चियापान कार्यक्रम को आयोजना गरिएको हो । प्रमुख अथिती नेपाली माहावाणिज्य दुतावास न्युयोर्कका वाणिज्यदुत कृसु क्षेत्रीले यसरी हामी नेपालीहरूको चाडपर्वहरू मनाउनाले हाम्रो संस्कृतिहरूको संरक्षण, प्रचार हुनका साथ हामीले गर्व महसूस गरिने बताउनु भयो ।
कार्यक्रममा, एनआरएन अमेरीकाका माहासचिव बाबुराम लामा , फिप्नाका माहासचिव प्रेम गुरूङ , हिमालयन बुद्दीष्ट कम्युनिटीका अध्यक्ष छेवक दोर्जे गुरूङ ,तामाङ सोसाईटी अफ नर्थ अमेरीकाका अध्यक्ष लोक्यान लामा , किरात याक्थुङ चुम्लुङ अमेरीकाका अध्यक्ष दिपेश लिम्बु , मगर संघ अमेरीकाका अध्यक्ष कुलदिप राना ,डुक्पिया किदुकका अध्यक्ष लाक्पा शेर्पा , युनाईटेट किरात राई अर्गनाईजेसन न्युयोर्क च्याप्टर अध्यक्ष केशवराम राई ,शेर्पा किदुकका अध्यक्ष उर्गेन शेर्पा , वालुङ कम्यूनिटीका अध्यक्ष दावाछिरिङ लामा , नेपाली अमेरीकन कलाकार संघ अध्यक्ष सुमन मगर , प्रवासी मन्च अमेरीकाका वरिष्ठ उपाध्यक्ष टेक गुरूङ , एनआरएन बोर्ड अफ डायरेक्टर सन्जय थापा , जनमन्च अमेरीकाका अध्यक्ष अग्नि राई ,नेवा गुठी न्युयोर्क अध्यक्ष निर्मल प्रधान ,सुनुवार समाज अमेरीका उपाध्यक्ष मोहन सुनुवार , शेर्पा किदुग माहासचिव टेन्डी शेर्पा ,प्रवासी मन्च न्युयोर्क अध्यक्ष अर्जुन सिंह, ,तामाङ सोसाईटी न्युयोर्क च्याप्टर अध्यक्ष गोमा योन्जन तामाङ , नेफेसो सल्लाहकार पार्वती थापामगर लगायतले शुभकामना मन्तव्य व्यक्त गर्नुभएको थियो ।
न्युयोर्क को क्वीन्स स्थित ज्याकसनहाईट मा आयोजित कार्यक्रममा नेपाली समुदायका अगुवाहरू तथा नेफेसो अमेरीकाका सदस्यहरूको बाक्लो उपस्थिती रहेको थियो । कार्यक्रम सभापतिको हैसियतले नेफेसो अमेरीकाका अध्यक्ष समिर महर्जनले हाम्रो नेपाली संस्कार , संस्कृति , परम्परा , रितिरिवाजहरूलाई विदेशी भुमिमा पनि हर्षोल्लासका साथ मनाउदै हाम्रो पहिचान जोगाउने काम भएकोमा खुसी व्यक्त गर्दै सबैमा शुभकामना व्यक्त गर्नु भयो । कार्यक्रममा उपस्थित सम्पूर्ण माहानुभावहरूलाई माहासचिव मनोज सिंहले स्वागत मन्तव्य द्वारा स्वागत गर्नु भएको थियो भने कार्यक्रम संचालन , सचिव लोक चेम्जोङले गर्नुभएको थियो ।