आफ्नै ज्योतिषले दिएको साइतमा पूर्वराजा ज्ञानेन्द्रले मनाए भाइटीका
प्रकाशित मिति : कार्तिक २४, २०७५ शनिबार
पूर्वराजा ज्ञानेन्द्र शाहले विहान ९ बजेर ५० मिनेटमा भाइटीका लगाएका छन् ।पूर्वराजा शाहले बहिनी शोभा शाहीको हातबाट भाइटीका लगाएका हुन् । नेपाल पञ्चाङ्ग निर्णायक समितिले भाइटीकाका उत्तम साइत ११ बजेर ५५ मिनेट तोकेपनि पूर्वराजा ज्ञानेन्द्रले भने निजी ज्योतिषले दिएको साइत अनुसार भाइटीका लगाएका हुन् ।
पूर्वराजा ज्ञानेन्द्रले यसअघि पनि दशैं र तिहारको टीका आफ्नै ज्योतिषले दिएको साइतअनुसार लगाउँदै आएका थिए ।भाइटीका लगाउन पूर्वराजा ज्ञानेन्द्र बहिनी शोभाको कमलादीस्थित निवास पुगेका थिए ।
टीका लगाएपछि संक्षिप्त प्रतिक्रिया दिँदै पूर्वराजा शाहले सबै नेपालीमा आपसी मेलमिलाप र भाइचाराको भावना विकास भइ देशमा स्थायित्वको कामना गरे ।