Follow @khasokhasmag

नेपाल आइडलबाट बाहिरिए गोल्डेन माइक विजेता मिनराज पौडेल


प्रकाशित मिति : आश्विन २७, २०७५ शनिबार

नेपाल आइडल सिजन-२ को शीर्ष १० बाट चितवनका पहिलो गोल्डेन माइक बिजेत मिनराज पौडेल बाहिरिएका छन् ।नेपाल आइडलको शीर्ष नाइनका लागि भएको प्रतिस्पर्धाका क्रममा बिहीबार बिरामी भएर गलाले साथ नदिँदा गीत गाउन नसकेका उनी दर्शकको भोट र जजको मूल्याङ्कनका क्रममा पछि पर्दै बाहिरिएका हुन् ।

चितवनको रत्ननगरका मिनराज पौडेलले मकवानपुरको हेटौँडामा भएको नेपाल आइडल सिजन-२ को अडिसनका क्रममा उत्कृष्ट गीत गाउँदै गोल्डेन माइक जितेका थिए । झुस्स दाह्री पालेका उनी गितार भिर्दै नेपाल आइडलको अडिसनका लागि हेटौँडा पुगेर जजको मन जिती गोल्डेन माइक जितेर सीधै गाला राउन्ड पुगेका थिए ।

२५ वर्षीय मिनराजले हेटौँडा अडिसनमा गितारको धुनसँगै आफ्नो स्वरमा गाइने दाइले……. गुनगुनाएका थिए । सानैदेखि संगीतका पारखी बाबुका छोरा उनले नेपाल आइडलको अडिसनबाटै नयाँ रेकर्ड पनि बनाएका थिए ।

नेपाल आइडलका दुवै सिजनका अडिसनबाट अघिल्लो चरणमा जाने अरु प्रतिस्पर्धीले गोल्डेन टिकट मात्रै पाउने गरेका थिए । तर उनले गोल्डेन टिकटसँगै गोल्डेन माइक जितेर सोझै गाला राउन्डमा प्रवेश गरेका थिए ।

तर शीर्ष ९ का लागि भएको प्रतिस्पर्धामा बिरामी भएर गलाले साथ नदिँदा बिहीबार उनले गीत गाउन सकेका थिएनन् । शुक्रबार भने उनले दोलखाका पवन गिरीसँग मिलेर गीत गाएका थिए ।

नेपाल आइडलमा दुवै सिजनका अडिसन राउन्डबाट सीधै गाला राउन्डमा प्रवेश पाउने उनी पहिलो प्रतिस्पर्धी थिए । उनले अडिसनका क्रममा गीत गाउँदा जजहरु कालीप्रसाद सापकोटा र न्ह्यू बज्राचार्यले उठेर उनको सम्मान गरेका थिए । अर्की जज इन्दिरा जोशीले पटक पटक तारिफ गरेकी थिइन् ।

मिनराजले गोल्डेन माइक जितेर सीधै गाला राउन्डमा पुगेको श्रेय आफ्ना बाबु, परिवार र साथीभाइलाई बाँडेका थिए । ‘पेशाले शिक्षक हुँ तर सानैदेखि संगीतप्रति रुची र लगाव छ, बुवाले सानैबाट गाउने गरेकाले मलाई प्रेरणा मिल्यो’, उनले अडिसन राउन्डबाट सीधै गाला राउन्डमा प्रवेश गर्दा उनले भनेका थिए, ‘नेपाल आइडल एउटा प्लेटफर्म हो, मेरो र परिवारको सपना पुरा गर्ने माध्यम हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com