Follow @khasokhasmag

कर्णालीमा नेपाल एयरलाइन्सको नियमित उडान शुरु


प्रकाशित मिति : आश्विन २२, २०७५ सोमबार

नेपाल एयरलाइन्सले कर्णाली जिल्लामा नियमित उडान शुरु गरेको छ ।आईतबार देखि हुम्लाको सिमीकोट,जुम्लाको खलंगा,रुकुमको सल्ले विमानस्थलमा उडान गरेसँगै नेपाल एयरलाइन्सले नियमित उडान शुरु गरेको हो ।

नेपाल एयरलाइन्सको एउटा जहाज नेपालगन्ज विमानस्थलमै राखेर कर्णाली बासीलाई नियमित हवाई सुविधा दिन व्यवस्था गरिएको नागरिक उड्डयन प्राधिकरण नेपालगन्जका प्रमुख प्रेमनाथ ठाकुरले जानकारी दिए ।

ट्विनेटर जहाजमा खराबि र पाईलट नभएको समस्या देखाउँदै नेपाल एयरलाइन्सले एक महिनादेखि कर्णालीमा नियमित उडान गर्न सकेको थिएन् ।

सोमबार मात्र नेपाल एयरलाइन्सले डोल्पाको जुफाल,मुगुको ताल्चा,रुकुमको सल्ले र बाजुरा उडान गरेको समेत विमानस्थल प्रमुख ठाकुरले जानकारी दिए । कर्णाली बासीको लागि जिल्ला बाहिर आवतजावत गर्ने भरपर्दो माध्यम जहाज नै भएकाले नेपाल एयरलाइन्सको नियमित उडानसँगै कर्णाली बासीलाई राहत मिलेको छ ।

नेपाल एयरलाइन्स सहित तारा,सीता,समिट एयरलाइन्सले कर्णालीमा हवाई सुविधा दिँदै आएका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com