Follow @khasokhasmag

नेपालद्वारा थाइल्याण्ड १४० रनले पराजित


प्रकाशित मिति : आश्विन २१, २०७५ आईतबार

टी–ट्वान्टी विश्वकपको एसिया छनोट बी अन्तरगत नेपालले तेस्रो खेलमा पनि थाइल्याण्डमाथि जित हासिल गर्न सफल भएको छ।

मलेशियाको वायुमास ओभल मैदानमा भएको खेलमा नेपालले थाइल्याण्डलाई डिएल मेथडका आधारमा १४० रनले पराजित गरेको हो।
टस हारेर पहिले ब्याटिङ गरेको नेपालले थाइल्याण्डलाई ७ विकेटको क्षतिमा १७३ रनको लक्ष्य दिएको थियो।

नेपालले दिएको लक्ष्य पछ्याउँदै ब्याटिङ गरेको थाइल्याण्डले १० ओभरमा ९ विकेट गुमाएर १८ रन बनाउँदा पानी परेको थियो।

खेलमा सन्दिप लामिछाने एक्लैले ३ ओभरमा ८ रन दिएर ५ विकेट लिए। यस्तै ललितनारायण राजवंशीले एक र करण केसीले ३ विकेट लिए।
नेपालले निर्धारित २० ओभरमा ७ विकेट गुमाएर सो स्कोर बनाएको हो। नेपालका लागि आठौं नम्बरमा ब्याटिंग गरेका करण केसीले विस्फोटक ब्याटिंग गरे।

उनले नटआउट १४ बलमा ४० रनको विस्फोटक ब्याटिंग गरे। उनले ४ छक्का र २ चौका प्रहार गरेका थिए। नेपालका लागि विनोद भण्डारी र अनिल शाहले इनिंग शुरुआत गरेका थिए । नेपालको शुरुवात विस्फोटक भए पनि निरन्तर विकेट गुमाएपछि नेपाल दबाबमा परेको थियो। तर, अन्तिम ओभरमा करणले २४ रन जोडेपछि नेपालले सुरक्षित हुन सक्ने स्कोर बनाएको हो।

यस्तै नेपालका लागि शरसद भेसवाकरले ३४, दिपेन्द्र सिंह ऐरीले ३०,  अनिल शाहले २५ र विनोद भण्डारीले १५ रनको योगदान दिए। यस्तै कप्तान पारस खड्काले ५, आरिफ शेखले ८ र ज्ञानेन्द्र मल्लले ७ रन बनाए भने सोमपाल कामीले नटआउट ४ रनको योगदान दिए।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com